ទីភ្នាក់ងារសារព័ត៌មាន Tass គ្រប់គ្រងដោយរដ្ឋរុស្ស៊ី បានចេញផ្សាយ កាលពីថ្ងៃទី១១ ខែមិថុនា ឆ្នាំ២០២០ ថា តម្លៃប្រេងឆៅ ប្រភេទ Brent  នៅទីផ្សារលក់ដូរ ICE  នៅទីក្រុងឡុងដ៍ សម្រាប់​ខែសីហា ខាងមុខ នឹងធ្លាក់ចុះមកនៅត្រឹម៣៧,៩៤ដុល្លារអាមេរិក ក្នុង១ធុង។ តម្លៃនេះ​​បានធ្លាក់ចុះ ចំនួន៩,១ភាគរយ ចាប់តាំងពីការបិទរដូវកាលការជួញដូរដំបូងម៉្លេះ។

ស្របគ្នានេះដែរ តម្លៃប្រេងឆៅ WTI បានធ្លាក់ចុះ១០,៣ភាគរយ ហើយការធ្វើជួញដូរ មានតម្លៃ ៣៥,៦៨ដុល្លារ ក្នុងមួយធុង។ ប្រេងឆៅ ប្រភេទ Brent រកឃើញថា ធ្លាក់ចុះមកនៅ ៣៨,៣៤ដុល្លារ ក្នុងមួយធុង (-8.1%)។ រីឯប្រេងឆៅ WTI បានធ្លាក់ចុះមកនៅត្រឹម ៣៦,២៤ដុល្លារ ក្នុងមួយធុង (-8.9%)។

ជាមួយគ្នានេះ រូបិយប័ណ្ណរបស់រុស្ស៊ី ក៏បានចុះថោក បើធៀបនឹងប្រាក់ដុល្លារអាមេរិក និងប្រាក់អឺរ៉ូ នៅក្នុងការធ្វើការជួញដូររូបិយប័ណ្ណបរទេស នៅទីផ្សារប្ដូរប្រាក់ នាទីក្រុងមូស្គូ។ តម្លៃប្រាក់ដុល្លារ គឺ១ដុល្លារអាមេរិក ស្មើនឹង៦៩,៨៣រូពី (Rubles លុយរបស់រុស្ស៊ី) គឺតម្លៃកើនឡើង ១,៩ភាគរយ៕ ប្រែសម្រួលដោយ Nuon

from： https://tnaot.com/km/m/detail/article/9369529