តុលាការព្រហ្មទណ្ឌអន្តរជាតិ ICC និយាយថា ការដែលប្រធានាធិបតីអាមេរិក ដូណាល់ ត្រាំ សម្រេចដាក់ទណ្ឌកម្មសេដ្ឋកិច្ច និងរឹតបណ្តឹងការធ្វើដំណើរប្រឆាំងនឹងនិយោជិក របស់ ICCនោះ គឺជាការគំរាមកំហែង និងការបង្ខិតបង្ខំ ហើយជា “ការប៉ុនប៉ងដែលមិនអាចទទួលយកបាន ជ្រៀតជ្រែកចូលកិច្ចការផ្លូវច្បាប់” ។

លោកដូណាល់ ត្រាំបានចេញបទបញ្ជាប្រតិបត្តិអនុញ្ញាតឱ្យមានការដាក់ទណ្ឌកម្មប្រឆាំងនឹងបុគ្គល ដែលពាក់ព័ន្ធនឹងការស៊ើបអង្កេតរបស់តុលាការព្រហ្មទណ្ឌអន្តរជាតិ ICC ទៅលើថា តើកងកម្លាំងអាមេរិកបានប្រព្រឹត្តិបទឧក្រិដ្ឋសង្គ្រាមនៅអាហ្វហ្គានីស្ថានដែរ ឬទេ ។

មន្ត្រីរដ្ឋបាលជាន់ខ្ពស់របស់លោក Trump ដោយមិនបានផ្តល់ព័ត៌មានលម្អិតបាននិយាយថា ការស៊ើបអង្កេតរបស់ អាយស៊ីស៊ី កំពុងត្រូវបានជំរុញដោយអង្គការនៃភាពស្មោះត្រង់គួរឱ្យសង្ស័យមួយ ហើយរុស្ស៊ីថា ក៏ជាអ្នកមានទំនាក់ទំនង​ពាក់ព័ន្ធផងដែរ ។

បទបញ្ជានេះ អនុញ្ញាតឱ្យរដ្ឋមន្រ្តីក្រសួងការបរទេសអមេរិក Mike Pompeo ពិគ្រោះយោបល់ជាមួយរដ្ឋមន្រ្តីក្រសួងរតនាគារ លោក Steven Mnuchin រារាំងឬបង្កកទ្រព្យសម្បត្តិនៅសហរដ្ឋអាមេរិករបស់និយោជិកតុលាការ ICC ដែលពាក់ព័ន្ធទៅនឹងការស៊ើបអង្កេតនោះ ។

ជាមួយនេះ ក៏អនុញ្ញាតឱ្យលោករដ្ឋមន្ត្រី Pompeo រារាំងការចូលទឹកដីអាមេរិកពីសំណាក់បុគ្គលតុលាការ ICCទាំងនោះផងដែរ។

តុលាការ ICC បានពិពណ៌នាការដាក់ទណ្ឌកម្មរបស់សហរដ្ឋអាមេរិកនេះថា ជាការវាយប្រហារចុងក្រោយបង្អស់នៅក្នុងតុលាការ ដែលមិនធ្លាប់មានពីមុនមក ។

គួររំលឹកថា រដ្ឋអាជ្ញាតុលាការ អាយស៊ីស៊ី Fatou Bensouda ចង់ស៊ើបអង្កេតអំពីឧក្រិដ្ឋកម្មដែលអាចកើតមានរវាងឆ្នាំ ២០០៣ និង ២០១៤ រួមទាំងការសម្លាប់ជនស៊ីវិលដោយពួកតាលីបង់ ក៏ដូចជាការធ្វើទារុណកម្មលើអ្នកទោសដោយអាជ្ញាធរអាហ្វហ្គានីស្ថាន និងក្នុងកម្រិតតិចជាងនេះ​ ដោយកងកម្លាំងសហរដ្ឋអាមេរិក និង CIA ៕ ប្រែសម្រួលដោយ៖ thach yat

from： https://tnaot.com/km/m/detail/article/9368726