Sign In 
រាជធានីភ្នំពេញ ៖ នៅព្រឹកថ្ងៃទី១៩ ខែសីហានេះ ក្រសួងសុខាភិបាល បានបញ្ជាក់ឲ្យដឹងថា បានព្យាបាលអ្នកឆ្លងជំងឺកូវីដ១៩ ជាសះស្បើយចំនួន១៣នាក់ មាន៦នាក់ជាជនជាតិខ្មែរ និង៧នាក់ជាជនជាតិចិនផងដែរ និងគ្មានករណីអ្នកឆ្លងថ្មី។
យោងតាមសេចក្តីប្រកាសព័ត៌មានរបស់ក្រសួងសុខាភិបាលបានចេញផ្សាយនៅថ្ងៃទី១៩ ខែសីហា ឆ្នាំ២០២០នេះ បានឲ្យដឹងថា ក្រុមគ្រូពេទ្យបានព្យាបាលអ្នកឆ្លងជំងឺកូវីដ១៩ ចំនួន១៣នាក់ ដែលសរុបអ្នកព្យាបាលជាសះស្បើយពីជំងឺកូវីដ១៩ មានចំនួន២៥១នាក់ ក្នុងចំណោមអ្នកឆ្លងជំងឺកូវីដ១៩នេះនៅទូទាំងប្រទេសសរុបចំនួន២៧៣នាក់ និង ២២ នាក់ផ្សេងទៀតកំពុងសម្រាកព្យាបាលនៅក្នុងមន្ទីរពេទ្យនិងមណ្ឌលសុខភាព។
ក្រសួងបន្តថា អ្នកដែលឆ្លង ហើយកំពុងសម្រាកព្យាបាលនោះមាន ៖ នៅមណ្ឌលសុខភាពចាក់អង្រែ រាជធានីភ្នំពេញ ចំនួន១៤នាក់ ក្នុងនោះស្ត្រី១នាក់ និងបុរស១៣នាក់។ នៅមន្ទីរពេទ្យបង្អែកខេត្តកំពង់ស្ពឺ ចំនួន៣នាក់ ជាបុរស។ នៅមន្ទីរពេទ្យបង្អែកខេត្តត្បូងឃ្មុំ ចំនួន៣នាក់ ជាបុរស។ នៅមន្ទីរពេទ្យរ៉ូយ៉ាល់ភ្នំពេញ ចំនួនម្នាក់ជាស្ត្រីជនជាតិកាហ្សាក់ស្តង់៕ ដោយ៖ ត្នោត
