បន្ទាប់ពីបានបញ្ចប់តំណែងគ្រូបង្វឹកឈុតធំ លោក Quique Setien រួចមក ព័ត៌មានជាច្រើនបានចុះផ្សាយពីភាពដែលអាចទៅរួចផ្សេងៗ ពីតំណែងគ្រូបង្វឹកថ្មីសម្រាប់ក្លឹបយក្ស FC Barcelona មួយនេះ។ តែពេលនេះ ព័ត៌មានកាន់តែផ្លូវការហើយ ក្រោយប្រធានក្លឹប លោក Josep Maria Bartomeu បានបញ្ជាក់យ៉ាងច្បាស់។ 

លោក Josep Bartomeu បានបញ្ជាក់ថា អតីតខ្សែការពាររបស់ក្លឹប លោក Ronald Koeman នឹងក្លាយជាគ្រូបង្វឹកថ្មីរបស់ក្លឹបដែលមានមូលដ្ឋាននៅក្រុងកាតាឡាន់មួយនេះ។ លោកបញ្ជាក់ទៀតថា មូលហេតុដែលក្លឹបជ្រើសយកគាត់ដោយសារតែគាត់មានបទពិសោធន៍ច្រើន និងធ្លាប់ជាកីឡាកររបស់ក្លឹប ដូចនេះ Koeman នឹងយល់ច្បាស់ពីគោលបំណងរបស់ក្លឹប។

គួរបញ្ជាក់ផងដែរថា Koeman ធ្លាប់ជាអតីតខ្សែការពាររបស់ Barcelona និងធ្លាប់ធ្វើជាជំនួយការគ្រូបង្វឹកនៅក្រុម Barcelonaរាប់ពីឆ្នាំ ១៩៩៨ ដល់ឆ្នាំ ២០០០ ផងដែរ។

ប្រភព៖ Goal

from： https://tnaot.com/km/m/detail/article/9603256