ឡានដឹកសារធាតុគីមីមួយគ្រឿងត្រូវអគ្គិភ័យឆាបឆេះនៅស្រុក Banglamung កាលពីព្រឹកថ្ងៃអង្គារ។

លោកអនុសេនីយ៍ទោ Nattajak Lorchotianan នៃប៉ូលិស Banglamung ត្រូវបានគេជូនដំណឹងអំពីឧប្បត្តិហេតុនេះនៅវេលាម៉ោង ៥ និង ៣០នាទីព្រឹក ​នៅលើផ្លូវ Sukhumvit ក្បែរភ្លើង​ស្តុប Wat Sawang Fah ។ ក្រុមពន្លត់អគ្គិភ័យ និងក្រុមការងារកាសែត​ The Pattaya News បានទៅដល់កន្លែងកើតហេតុដើម្បី​សង្គ្រោះនិងពិនិត្យឡាន​​ដែលកំពុងឆេះនៅលើផ្លូវ។ អ្នកបើករថយន្ត​ឈ្មោះ​ Kritsada Sawangarun អាយុ ៥១ ឆ្នាំ បានប្រាប់កាសែត​ The Pattaya News ថាកង់ ១ របស់រថយន្ត​បានផ្ទុះពេលគាត់កំពុងបើកបរ។ នៅពេលដែលអគ្គិភ័យចាប់ផ្តើម​ឆាបឆេះ តៃកុងឡានព្យាយាមយកក្បាលរថយន្តចេញពីតួរបស់រថយន្តបានទាន់ពេលវេលា។ គួរបញ្ជាក់ផងដែរថា ​តៃកុងឡានក៏បានព្យាយាមប្រើឧបករណ៍ពន្លត់អគ្គិភ័យដើម្បីពន្លត់ភ្លើងមុនពេលហៅអ្នកពន្លត់អគ្គិភ័យមកផងដែរ។

បុគ្គលិក​ពន្លត់អគ្គិភ័យបានបញ្ជាក់ថា សារធាតុគីមីដែលផ្ទុកនៅក្នុងឡានមិន​ប៉ះពាល់​ដល់បរិស្ថានទេ ប៉ុន្តែឈ្មោះរបស់វាត្រូវគេបិទសុំមិនបញ្ចេញឈ្មោះឡើយ៕

 កែសម្រួលដោយ៖ ភារ៉ា

ប្រភព៖ the pattaya news

from： https://tnaot.com/km/m/detail/article/9601991