ប្តីប្រពន្ធមួយគូបានរត់ចេញពីឡានខណះពេលដែលកំពុងឆាបឆេះ បន្ទាប់ពី​បុរសជាប្តី​បានជក់បារីក្នុងឡាន ហេតុការណ៍នេះបានកើតឡើងនៅ​ទីក្រុង Pattaya ។

ក្រុមពន្លត់អគ្គិភ័យត្រូវបានគេជូនដំណឹងអំពីឧប្បត្តិហេតុនេះនៅវេលាម៉ោង ១ និង ៣០ នាទីរំលងអធ្រាត្រក្នុងភូមិ Soi Pratumnak ៥។

ក្រុមអ្នកពន្លត់អគ្គិភ័យ​ និងក្រុមការងារកាសែត The Pattaya News បានទៅដល់កន្លែងកើតហេតុដើម្បី​ពិនិត្យមើលរថយន្ត SUV ដែលកំពុងឆេះ។ ក្រុមពន្លត់អគ្គិភ័យ​ប្រើពេលយ៉ាងយូរដើម្បីពន្លត់ភ្លើងឱ្យរលត់ទាំងស្រុង។ រថយន្ត​ម៉ាក SUV ​បានខូចខាតទាំងស្រុង​​ ហើយជនរងគ្រោះទាំងពីរមានរបួសជាច្រើនកន្លែងផងដែរ ដោយបច្ចុប្បន្នត្រូវបានគេបញ្ជូនទៅកាន់មន្ទីរពេទ្យក្នុងតំបន់។ ​​ជនរងគ្រោះបានប្រាប់ The Pattaya News ថាពួកគេបានចតរថយន្តនៅ​លើចិញ្ចើមផ្លូវ ហើយបុរសជាប្តី​បានជក់បារី​ ដែលធ្វើឲ្យភ្លើងបារីបានឆាបឆេះរាលដាល​លើឡានទាំងមូល។

ជនរងគ្រោះព្យាយាមរត់ចេញពីក្នុងឡាន​ហើយបានសុំជំនួយពីអ្នកភូមិដែលរស់នៅក្បែរនោះ។ ប៉ូលិសស្រុក Banglamung កំពុងបន្តការស៊ើបអង្កេត​ដើម្បីស្វែងរកមូលហេតុពិតប្រាកដនៃអគ្គិភ័យនេះ។  

កែសម្រួលដោយ៖ ភារ៉ា

ប្រភព៖ the pattaya news

from： https://tnaot.com/km/m/detail/article/9601915