យោងតាមសេចក្តីរាយការណ៍មួយនៅអ៊ីតាលី បានឱ្យដឹងថា ក្លិប Napoli កំពុងត្រៀមបន្តកុងត្រាថ្មីជាមួយខ្សែប្រយុទ្ធ Jose Callejon រយៈពេល២ឆ្នាំបន្ថែមទៀត។

កុងត្រារបស់ Callejon នឹងផុតកំណត់នៅចុងខែមិថុនាខាងមុខ ហើយនឹងត្រូវចាកចេញពីក្លិបដោយគ្មានតម្លៃខ្លួនផ្ទេរ ប៉ុន្តែបើយោងតាមសារព័ត៌មាន Corriere dello Sport បានអះអាងថា ក្លិប Napoli នៅមិនទាន់ចង់ឱ្យខ្សែប្រយុទ្ធចាស់វស្សារបស់ខ្លួនចាកចេញទៅណាទេ ហើយនឹងចុះកុងត្រាបន្ថែមឱ្យរូបគេបន្តស្នាក់នៅទឹកដី San Paolo យ៉ាងហោចណាស់ពីររដូវកាលទៀតដែរ។

ខ្សែប្រយុទ្ធសញ្ជាតិអេស្ប៉ាញរូបនេះ​ បានផ្លាស់មកលេងជាមួយក្លិប Napoli ជាង៧រដូវកាលមកហើយ បន្ទាប់ពីចាកចេញពីក្លិប Real Madrid កាលពីឆ្នាំ២០១៣។ បច្ចុប្បន្ន Callejon ក៏មានការផ្សាភ្ជាប់ទៅនឹងការផ្លាស់ទៅលេងនៅអេស្ប៉ាញវិញផងដែរ ដោយអាចនឹងទៅចូលរួមជាមួយក្លិប Espanyol ប្រសិនបើគ្មានការបន្តកុងត្រាថ្មីកើតឡើង៕

កែសម្រួលដោយ៖ ភារ៉ា

ប្រភព៖ football-italia

from： https://tnaot.com/km/m/detail/article/9364974