Sign In 
ខេត្តសៀមរាប ៖ ថ្ងៃទីមួយនៅសៀមរាប នៅថ្ងៃទី១៧ ខែសីហា ឆ្នាំ២០២០ គឺជាថ្ងៃបើកកម្មវិធី «សម្រាកសៀមរាប» ដែលធ្វើឲ្យខេត្តសៀមរាបមានភាពអធិកអធមដោយមានបងប្អូនប្រជាពលរដ្ឋជាភ្ញៀវទេសចរមកពីតាមបណ្ដារាជធានីខេត្តនានា ក្នុងព្រះរាជាណាចក្រកម្ពុជាបានសម្រុកចូលមកលេងកម្សាន្តនៅខេត្តសៀមរាក្នុងកម្មវិធី«សម្រាកសៀមរាប» ដែលរដ្ឋបាលខេត្ត បានសហការជាមួយនឹងសហភាពសហព័ន្ធយុវជនកម្ពុជា និងកាកបាទក្រហមកម្ពុជា ។
រដ្ឋបាលខេត្ត និងបងប្អូនប្រតិបត្តិករទេសចរណ៍ទាំងអស់ ពិតជាមានភាពសប្បាយរីករាយ និងសូមស្វាគមន៍យ៉ាងកក់ក្ដៅចំពោះបងប្អូនភ្ញៀវទេសចរជាតិ ដែលបានអញ្ជើញមកចូលរួមកម្មវិធីសម្រាកសៀមរាបពិធីតាំងពិព័រណ៍ពាណិជ្ជកម្មម្ហូបអាហារ ល្បែងប្រជាប្រិយកម្មវិធីកម្សាន្ត និងដំណើរកម្សាន្តនៅតាមរមណីយដ្ឋាននានា ក្នុងខេត្តប្រវត្តិសាស្ត្រមួយនេះ ។
ជាពិសេសប្រតិបត្តិករទេសចរណ៍ទទួលបានប្រាក់ចំណូល ដើម្បីដោះស្រាយការលំបាកបានមួយរយៈដោយសារវិបត្តិជំងឺកូវីដ១៩ និងការបង្ហាញឲ្យឃើញទាំងអាជ្ញាធរបានសហការក្នុងទប់ស្កាត់ជំងឺកូវីដ១៩ និងការទេសចរណ៍ប្រកបដោយសុវត្ថិភាពក្នុងខេត្តសៀមរាប ។
ទន្ទឹមនឹងនេះរដ្ឋបាលខេត្តសង្ឃឹមយ៉ាងមុតមាំថា បងប្អូនប្រជាពលរដ្ឋជាភ្ញៀវទេសចរនឹងមានការប្រុងប្រយ័ត្នខ្ពស់ និងកុំភ្លេចត្រូវចងចាំនូវ ០៣ចំណុច ដូចខាងក្រោម ដេីម្បីការពារ និងចូលរួមទប់ស្កាត់ជំងឺកូវីដ១៩ ៖ ១.កុំភ្លេចត្រៀមម៉ាស់ ឬក្រម៉ា ។
២.កុំភ្លេចជែល ឬអាល់កុលលាងដៃ (យើងបានត្រៀម សាប៊ូលាងដៃជូននៅតាមទីសាធារណផងដែរ) ។ ៣.កុំភ្លេច រក្សាគម្លាតសុវត្ថិភាពសង្គម (ចូលរួមការពារការរាលត្បាតនៃជំងឺកូវីដ-១៩) ៕ផ្តល់សិទ្ធដោយ៖កោះសន្តិភាព
