Sign In 
មុននេះកម្លាំងនគរបាលព្រហ្មទណ្ឌ ក្រុងសៀមរាបបានបំបែកសំណុំរឿងករណីឃាតកម្មវាយសម្លាប់បងថ្លៃរបស់ខ្លួនបាន កាលពីជាង១ឆ្នាំមុន ក្រោយរត់ទៅសម្ងំលាក់ខ្លួននៅខេត្តពោធិ៍សាត់ រួចនាំយកមកដាក់គុកនៅខេត្តសៀមរាបវិញ ។
ដែលហេតុការណ៍ចាប់ខ្លួនប្អូនថ្លៃសម្លាប់បងថ្លៃនោះធ្វើឡើង នាថ្ងៃទី១៦ ខែសីហា នៅក្នុងភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់ និងបាននាំយកមកស្នងការដ្ឋាននគរបាលខេត្ត សៀមរាបវិញ ដើម្បីយកទៅធ្វើត្រាប់ ។
មូលហេតុដោយសារ មានទំនាស់ពេលផឹកស៊ី បណ្តាលឱ្យក្លាយជាគំនុំ ។ ជនសង្ស័យត្រូវបាននគរបាលក្រុងសៀមរាបនាំខ្លួនមកក្រុងសៀមរាបវិញ នៅថ្ងៃទី១៧ ខែសីហា ឆ្នាំ២០២០នេះ ហើយនាំទៅកន្លែងកើតហេតុ និងបានធ្វើការហូតវត្ថុតាងបានមួយចំនួន រួចបញ្ជូនទៅតុលាការ នៅថ្ងៃទី១៧ ខែសីហា ឆ្នាំ២០២០ និងត្រូវបានតុលាការសំរេចឱ្យឃុំខ្លួន តាមដីកាលេខ១០៦៦/២០២០ ។
ពេលនេះជនសង្ស័យ ត្រូវបានកម្លាំងនគរបាលជំនាញព្រហ្មទណ្ឌនៃអធិការដ្ឋាននគរបាលក្រុង រៀបចំបញ្ជូនខ្លួនទៅកាន់ពន្ធនាគារខេត្ត តាមបទបញ្ជារបស់លោកចៅក្រមស៊ើបសួរ ៕
ផ្តល់សិទ្ធដោយ៖កោះសន្តិភាព
