យោងតាមភ្នាក់ងារ Billboard នៅថ្ងៃទី០៩ ខែមិថុនា បានបង្ហាញថា កម្មវិធីតន្រ្តី “Coachella 2020” ត្រូវបានលុបចោលជាផ្លូវការដោយក្រុមហ៊ុន “Anschutz Entertainment Group (AEG)” សម្រាប់ឆ្នាំ២០២០នេះ ។

ដោយសារតែការរីករាលដាលនៃជំងឺ COVID-19 កម្មវិធីតន្រ្តី ‘Coachella 2020’ នេះនឹងត្រូវបានពន្យារពេលម្តងរួមមកហើយ គឺថានឹងធ្វើឡើងនៅខែតុលា ក្នុងឆ្នាំ២០២០នេះ។ ទោះយ៉ាងណាការរីករាលដាលនៃមេរោគ COVID-19 នៅតែបន្តជះឥទ្ធិពលដល់ប្រទេសជាច្រើនទាំងផ្នែកវេជ្ជសាស្រ្ត និងហិរញ្ញវត្ថុ។ មហោស្រពតន្ត្រី និងការប្រគំតន្ត្រីទ្រង់ទ្រាយធំភាគច្រើន នឹងមិនត្រូវបានធ្វើឡើងនៅឆ្នាំ២០២០នោះទេ រួមទាំងកម្មវិធីតន្រ្តី “Coachella 2020” នេះផងដែរ ។

អ្នកគាំទ្រវិស័យ K-Pop ជាច្រើនកំពុងទន្ទឹងរង់ចាំកម្មវិធីតន្រ្តី “Coachella 2020” នេះ ដូចដែលពួកគេបានរំពឹងថា នឹងមានការត្រឡប់មកវិញរបស់ក្រុម Big Bang នៅក្នុងកម្មវិធីតន្រ្តីដ៏ធំមួយនេះ ។

ទន្ទឹមនឹងនេះដែរ សេចក្តីរាយការណ៍របស់ប្រព័ន្ធផ្សព្វផ្សាយផ្លូវការមួយបាននិយាយថា កម្មវិធីតន្រ្តី “Coachella” កំពុងពិចារណាវិលត្រឡប់មកវិញនៅឆ្នាំ២០២១ វិញ ៕

ប្រែសម្រួលដោយ៖ វិបុត្រ

ប្រភព៖ allkpop

from： https://tnaot.com/km/m/detail/article/9361983