ស្ត្រីអាយុ ៣៧ ឆ្នាំម្នាក់ ត្រូវបានគេប្រទះឃើញដេកស្លាប់នៅក្នុងបន្ទប់ជួលរបស់នាងនៅទីក្រុង Pattaya កាលពីរសៀលម្សិលមិញ ដោយប៉ូលិសជឿជាក់ថាជនរងគ្រោះ​ញ៉ាំស្រា​​ច្រើនពេក។

ឧប្បត្តិហេតុនេះបានកើតឡើងនៅ​ភូមិ Soi Nong Mai Kaen ១០  ក្នុងឃុំ Nongprue ​នៅថ្ងៃអាទិត្យ ទី ១៦ ខែសីហា។ ជនរងគ្រោះ​មានឈ្មោះថា ​ Noree Yingchuchuen អាយុ ៣៧ឆ្នាំ ​ស្នាក់នៅក្នុងបន្ទប់តែម្នាក់ឯង។ ​ស្វាមីជនរងគ្រោះ​ជាប់ធ្វើ​ការនៅ​ខេត្ត Rayong ហើយ​មិននៅកន្លែងកើតហេតុទេ។ ប៉ូលិសរកមិនឃើញសញ្ញាណាមួយ​បញ្ជាក់ពីអំពើហឹង្សាលើជនរងគ្រោះទេ ប៉ុន្តែនៅក្បែរខ្លួនជនរងគ្រោះ គេឃើញមានដបស្រាជាប្រភេទ Lao Kao ជាច្រើន​កំប៉ុងដែលស្រានេះផ្ទុកជាតិអាល់កុលដល់ទៅ ៤០%។ យោងតាមអ្នកជិតខាងដែលមិន​បញ្ចេញឈ្មោះនិងស្វាមី អាយុ ៣៥ឆ្នាំ​ គឺលោក Rangsan Talan បានឱ្យ​ដឹងថា ជនរងគ្រោះ​បាន​ញ៉ាំស្រាយ៉ាងច្រើននៅពេលយប់ មុនពេលឈ្លោះប្រកែកជាមួយអ្នកជិតខាង​។ ​តាមការផ្តល់ចម្លើយ​របស់អ្នកជិតខាង ជនរងគ្រោះ​ជាមនុស្ស​ញៀននឹងស្រា ហើយថ្ងៃកើតហេតុគាត់បាន​ញ៉ាំស្រាហើយស្រវឹងជោកជាំ​​។ ជនរងគ្រោះត្រូវបានគេជឿថា ​​បានស្លាប់នៅពេលយប់ដោយសារ​ញ៉ាំស្រាច្រើនពេក។

​សាកសពជនរងគ្រោះត្រូវបានបញ្ជូនទៅមន្ទីរពេទ្យក្នុងតំបន់ដើម្បីធ្វើកោសល្យវិច័យ​កំណត់ពីមូលហេតុពិតប្រាកដនៃការស្លាប់៕  

កែសម្រួលដោយ៖ ភារ៉ា

ប្រភព៖ the pattaya news

from： https://tnaot.com/km/m/detail/article/9597218