បុរស​អាយុ ៥៧ឆ្នាំ ម្នាក់បានស្លាប់ដោយសាររថយន្ត​មួយគ្រឿងបុកនៅចំពោះមុខប្រពន្ធរបស់គាត់ ខណៈពេលកំពុងដើរឆ្លងផ្លូវដើម្បីទិញអាហារ​នៅស្រុក Ban Bueang ខេត្ត Chonburi។

ហេតុការណ៍នេះបានកើតឡើងនៅវេលាម៉ោង ៩ និង ៣០ នាទីយប់ថ្ងៃសៅរ៍ ទី ១៥ សីហានៅលើផ្លូវលេខ ៣១៣៨ នៅស្រុក Ban Buean ក្បែរការិយាល័យអង្គការរដ្ឋបាលឃុំ Tambon។

ជនរងគ្រោះមានឈ្មោះថា ​Pharawong Srisukong អាយុ ៥៧ឆ្នាំ ​ស្នាក់នៅបន្ទប់សណ្ឋាគារក្បែរនោះជាមួយប្រពន្ធឈ្មោះ​ Somwang Srisukong​ អាយុ ៥៤ ឆ្នាំ។ ​ជនរងគ្រោះបានដើរឆ្លងផ្លូវដើម្បីទិញសាច់មាន់ដុតនិងបាយដំណើបពីអ្នកលក់តាមដងផ្លូវ ហើយពេល​ឆ្លងផ្លូវត្រឡប់មកវិញក៏ត្រូវរថយន្តមួយគ្រឿងបុកស្លាប់នៅនឹងកន្លែងភ្លាមៗតែម្តង។ ​

អ្នកបើករថយន្ត​មានអាយុ ៦០ឆ្នាំ ​មិន​ស្គាល់អត្តសញ្ញាណម្នាក់ ​បានបដិសេធមិនធ្វើបទសម្ភាសន៍ទេ។ ទោះជាយ៉ាងណាក៏ដោយ គាត់ត្រូវបានឃុំខ្លួន​ដើម្បីស៊ើបអង្កេតបន្ថែម​រួមទាំង​ត្រូវចោទប្រកាន់ពីបទបើកបរមិនប្រុងប្រយ័ត្នផងដែរ៕

កែសម្រួលដោយ៖ ភារ៉ា

ប្រភព៖ the pattaya news

from： https://tnaot.com/km/m/detail/article/9597142