Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

ប៉ូលិសហុងកុងចាប់ខ្លួន​៥៣នាក់​ អំឡុងបាតុកម្ម​ថ្មីបំផុត

បាតុកម្មថ្មីបំផុត​នៅហុងកុង​​កើតឡើង​កាលពីល្ងាចថ្ងៃទី៩ ខែមិថុនា ឆ្នាំ២០២០ ។ ក្រុមបាតុករ​បិទផ្លូវ​កណ្តាល​ទីក្រុងពាណិជ្ជកម្មមួយនេះ មុនពេលប៉ូលិស​បាញ់ឧស្ម័ន​បង្ហូរទឹកភ្នែក​បំបែក​បាតុកម្ម​ដែល​មានពួកសកម្មជន​ចូលរួម​ជាច្រើនរយនាក់ ។ 

ក្រុមបាតុករ​នាំគ្នាដង្ហែក្បួន​រំលឹកខួប​១ឆ្នាំ​នៃបាតុកម្ម​ដែលពេលខ្លះផ្ទុះឡើងនូវអំពើហិង្សា​របស់ពួកគេ ក៏ដូចជា​ស្ថានការកំពុងតានតឹង​ ក្រោយ​ការអុនម័ត​អនុវត្ត​ច្បាប់សន្តិសុខ​ជាតិ​នៅហុងកុង ដែលគាំទ្រដោយរដ្ឋាភិបាល​កណ្តាល​នៅទីក្រុងប៉េកាំង ។ 

នៅថ្ងៃទី​១០ ខែមិថុនា ប៉ូលិស​ហុងកុង​បាន​ប្រកាសថា ស្ត្រី​១៧នាក់ និងបុរស​៣៦​នាក់​ត្រូវបានឃាត់ខ្លួន ។ ពួកគេជួបជុំគ្នា​គ្មានការអនុញ្ញាត និងចូលរួមបាតុកម្មខុសច្បាប់ ។ ក្រុមបាតុករ​បានប្រឆាំង​បម្រាម​រដ្ឋបាលហុងកុង​មិនឲ្យជួបជុំគ្នាលើសពី៨​នាក់ឡើងទៅ ដើម្បីការពារ​ជំងឺកូវីដ​១៩​ឆ្លងរាតត្បាត ។ 

ក្រុមបាតុករ​ភ័យខ្លាចថា ច្បាប់សន្តិសុខជាតិថ្មីនោះ ធ្វើឲ្យពួកគេបាត់បង់សិទ្ធិ​ជាមូលដ្ឋាន​​នៅហុងកុង ។​ ប៉ុន្តែ​រដ្ឋអំណាច​វិញ​អះអាងថា គ្មានអ្វី​គួរឲ្យភ័យព្រួយចំពោះរឿងនេះទេ ។ ច្បាប់នេះសម្តៅ​ប្រឆាំង​ទៅលើ​ក្រុមបង្កបញ្ហាប៉ុណ្ណោះ ។ 

គួរជម្រាប់ថា ចាប់តាំងពីផ្ទុះបាតុកម្ម​នៅថ្ងៃទី៩ ខែ​មិថុនា ឆ្នាំ២០១៩ នៅហុងកុង រហូតមក​ដល់ពេលបច្ចុប្បន្ន ស្លាប់មនុស្ស​២នាក់ និងរបួស​ជាង ២ ៦០០ នាក់ ។ មនុស្សជាង ៩ ០០០ នាក់​ត្រូវចាប់ខ្លួន ហើយក្នុងនោះ ១ ៧៤៩ នាក់​ត្រូវចោទប្រកាន់ទោស ៕ ប្រែសម្រួលដោយ៖ thach yat 

from: https://tnaot.com/km/m/detail/article/9360888