Sign In 
ខេត្តចំនួន៩ ដែលមានបន្ទាយមានជ័យ កំពង់ធំ ប៉ៃលីន…បានរងផលប៉ះពាល់ដោយសារគ្រោះធម្មជាតិរាំងស្ងួត ដែលក្នុងនោះធ្វើឱ្យដំណាំស្រូវមានការខូចខាតប្រមាណ១០២ ៤៨៤ហ.ត ស្នើនឹង៨,៥៤%។
បើតាមរបាយការណ៍របស់ក្រសួងកសិកម្មរុក្ខាប្រមាញ់ និងនេសាទ ក្នុងខែកក្តដា ឆ្នាំ២០២០នេះបានឱ្យដឹងថា ការងារបង្កបង្កើនផលស្រូវរដូវវស្សាធ្វើការដាំដុះបានចំនួន ២ ២៨១ ៩២១ហ.ត ស្មើនឹង៨៨,១៧% នៃផែនការចំនួន ២ ៥៨៨ ១៣០ហ.ត។
ដោយឡែកស្ថានភាពប៉ះពាល់ និងខូចខាតដោយសារគ្រោះធម្មជាតិមាន ដំណាំស្រូវនៅខេត្តចំនួន៩ កំពុងរងផលប៉ះពាល់ និងខូចខាតដោយគ្រោះរាំងស្ងួត ដោយទទួលរងផលប៉ះពាល់សរុបចំនួន ១០២ ៤៨៤ហ.ត ស្នើនឹង៨,៥៤%។ តាមការវាយតម្លៃ ដំណាំស្រូវបានខូចខាតសរុបចំនួន៣ ០០៦ហ.ត ស្មើនឹង២,៩៣% នៃផ្ទៃដីផលប៉ះពាល់សរុប៕ ដោយ៖ ឃួន លក្ខិណា
