យើងបានដឹងហើយថា មួយរយះចុងក្រោយនេះពិភពលោកកំពុងតែមានភាពសកម្មខ្លាំងក្នុងយុទ្ធនាការប្រឆាំងនឹងការរើសអើងពួកស្បែកខ្មៅ ក្រោយមានការសម្លាប់ជនជាតិស្បែកខ្មៅ George Floyd ដោយស្នាដៃប៉ូលីសសហរដ្ឋអាមេរិក។

កីឡាករបាល់ទាត់នៅលីគកំពូលជាច្រើនបានសម្តែងការប្រឆាំងនឹងទង្វើនេះ ដោយចូលរួមជាការពាក់អាវបង្កប់ន័យយុទ្ធនាការ ក៏ដូចជាលុតជង្គង់ដើម្បីរំលឹកអំពីការសម្លាប់របស់ប៉ូលីសទៅលើ George Floyd ដោយការជង្គង់ពីលើផងដែរ។ 

អ្វីដែលល្អជាងនោះគឺ សហពន្ធ័បាល់ទាត់អង់គ្លេសនឹងមិនធ្វើការពិន័យណាមួយទាក់ទងនឹងយុទ្ធនាការនេះទេ ហើយថែមទាំងនិយាយថាខ្លួននឹងលើកទឹកចិត្ត និងគាំទ្រយុទ្ធនាការប្រឆាំងការរើសអើងពូជាសាសន៍នេះទៀតផង។

from： https://tnaot.com/km/m/detail/article/9360299