យោងតាមរបាយការណ៍នៅអ៊ីតាលីបានឱ្យដឹងថា កីឡាករ Dominik Szoboszlai ដែលជាខ្សែបម្រើរបស់ក្លិប RB Salzburg មានបំណងចង់ផ្លាស់មកចូលរួមជាមួយក្លិប AC Milan នៅរដូវក្តៅនេះ។

ខ្សែបម្រើសញ្ជាតិហុងគ្រីរូបនេះ ក៏ធ្លាប់ត្រូវបានក្លិបមួយនៅក្នុងប្រទេសអារ៉ាប់ចាប់អារម្មណ៍ចង់បានផងដែរ ប៉ុន្តែបើយោងតាមគេហទំព័រ Calciomercato បានអះអាងថា រូបគេចាប់អារម្មណ៍ចង់ផ្លាស់មកលេងនៅអ៊ីតាលីជាង។

យ៉ាងណាមិញក្លិប Milan ក៏ធ្លាប់ត្រូវបានគេការរាយការណ៍ដែរថា ពិតចង់បានខ្សែបម្រើវ័យក្មេងដែលមានសមត្ថភាពស្រាប់ដូចជារូបគេនេះណាស់ ដើម្បីមកជួយពង្រឹងក្រុមបន្ថែមនៅរដូវកាលក្រោយ។ សម្រាប់រដូវកាលនេះ រូបគេរកគ្រាប់បាល់បញ្ចូលទីបាន២គ្រាប់ និងប៉ះបាល់ឱ្យមិត្តក្រុមបញ្ចប់ទី (Assists) ៣លើកផងដែរ ពីការបង្ហាញខ្លួនចំនួន១៧ប្រកួត ក្នុងក្របខ័ណ្ឌ Bundesliga របស់ប្រទេសអូទ្រីស៕

កែសម្រួលដោយ៖ ភារ៉ា

ប្រភព៖ football-italia

from： https://tnaot.com/km/m/detail/article/9357154