មិនបានចង់គិតពីគេប៉ុន្មានទេ តែអាខួរក្បាលឆ្កួតឡប់នេះវាមិនស្តាប់បញ្ជា វាចូលចិត្តគិត វាចូលចិត្តមានរូបគេគ្រប់ពេលវេលា ហើយមិនខ្វល់ថាម្នាក់ដែលមានជីវិតជាប់វាកំពុងវេទនាប៉ុណ្ណាទេ…

មិនដឹងថាក្នុងចិត្តនេះយ៉ាងម៉េចទេ គ្រាន់តែដឹងថាមួយថ្ងៃៗគិតដល់តែរូបគេឥតឈប់ ចង់ក្បែរគេ ចង់មើលថែគេ (សង្ស័យចង់សរសៃរប្រសាទហើយមើលទៅ) ។

ក្នុងចិត្តចេះតែនឹកគិតខ្វល់ខ្វាយពីសុខទុក្ខគេ ចង់ដឹងថាគេបានសុខទេ? គេឯកាទេ? គេឈឺឬជា? គេៗៗ! គឺមានតែរូបគេពេញអេក្រង់ខួរក្បាលហើយ…

អារម្មណ៍មួយនេះ មានតែមនុស្សដែលលួចស្រលាញ់គេទើបយល់ច្បាស់! ព្រោះតែខ្លួនស្រលាញ់គេ ចង់ដឹងគ្រប់យ៉ាងពីសុខទុក្ខគេ តែក៏មិនដឹងប្រើឋានៈអ្វីទៅស្វែងយល់ពីគេ ។ ដូច្នេះមានតែអង្គុយច្របូកច្របល់គំនិតតែម្នាក់ឯង (គួរឱ្យអាណិតមែនណ៎!) ។

ច្បាស់ណាស់! អារម្មណ៍ដែលស្រលាញ់គេខ្លាំងគឺវាបែបនេះ…

វាថប់ៗ តឹងទ្រូង ណែនឱរ៉ារកថាមិនត្រូវ តែងរែងព្រួយចំបែងចិត្តរាល់ថ្ងៃនឹកគិតដល់គេ ។ ហើយបើសិនជាបានដឹងថាគេគ្មានក្តីសុខទេ ចិត្តនេះនៅមិនស្ងៀមទេ មុខជាវេទនាជាងចិត្តគេទៅទៀត (ព្រោះតែបារម្ភខ្លាំង ព្រោះតែស្រលាញ់គេជាងខ្លួនឯងហ្នឹងហើយ) ។

ស្នេហាជាអារម្មណ៍ ៣៦០ដឺក្រេដែលប្រែប្រួលឥតឈប់ឈរក្នុងវិនាទីនៃជីវិត ដូច្នេះហើយទើបមនុស្សគ្រប់រូបតែងទទួលស្គាល់ថា​ ស្នេហាជាអារម្មណ៍មហាសាគរ​ដែលអាចអោយមនុស្សរីករាយ និងកើតទុក្ខ ហើយហ៊ានដល់ថ្នាក់ ធ្វើអ្វីៗដែលនឹកស្មានមិនដល់ជាច្រើន ៕

from： https://tnaot.com/km/m/detail/article/9355613