បុរសជនជាតិរុស្ស៊ីម្នាក់ត្រូវបានចាប់ខ្លួនពីបទក្លែងបន្លំការលក់កញ្ចប់ដំណើរកម្សាន្តទៅជនរួមជាតិរបស់គាត់ដោយធ្វើឱ្យក្រុមហ៊ុនទេសចរណ៍​បាត់បង់ចំណូលជាង ១០ ម៉ឺនបាត។ ​

លោក Leonid Iuraovskii អាយុ ៣៥ឆ្នាំត្រូវបានចាប់ខ្លួនដោយប៉ូលិសមួយក្រុមនៅមុខខុនដូមួយកន្លែង​ក្នុងឃុំ Patong ស្រុក Kathu នៅព្រឹកថ្ងៃពុធ។ ជនជាប់ចោទរូបនេះត្រូវបានចាប់ខ្លួនដោយតុលាការខេត្តភូកេតកាលពីថ្ងៃទី៥ ខែមិថុនាពីបទ​កិបកេង​ និងប្រើប្រាស់ឯកសារក្លែងក្លាយ។ ការចាប់ខ្លួននេះធ្វើឡើងបន្ទាប់ពីតំណាងក្រុមហ៊ុនទេសចរណ៍ព្រះបរមរាជវាំងបានដាក់ពាក្យបណ្តឹងទៅប៉ូលិសឃុំ Patong ​។ គាត់បានចោទប្រកាន់លោក Iuraovskii ពីការលក់កញ្ចប់សេវាកម្មដំណើរកម្សាន្តរបស់ភ្ញៀវរុស្ស៊ី​ និងបន្លំ​ឯកសារក្លែងក្លាយបន្ទាប់ពីទទួលបាន​ប្រាក់សេវាកម្ម។

ដើមបណ្តឹងបាននិយាយថាឯកសារទាំងនោះ​ក្លែងក្លាយទាំងអស់ ដែល​បណ្តាលឱ្យក្រុមហ៊ុនទេសចរណ៍ខាតបង់ប្រាក់ចំនួន ១០៤ ៥០០ បាត។

កែសម្រួលដោយ៖ ភារ៉ា

ប្រភព៖​ Bangkok post

from： https://tnaot.com/km/m/detail/article/9355495