សារព័ត៌មានរ៉យទ័រនៅថ្ងៃទី​៩ ខែមិថុនាបានផ្សាយថា  ប្រធានអង្គការសុខ​ភាពពិភពលោក WHO  លោក Tedros Adan Gebreyesus បានប្រកាសថា កូវីដ​១៩ កាន់តែអាក្រក់ទៅពីមួយថ្ងៃទៅមួយថ្ងៃ​ ដោយមានចំនួនអ្នកឆ្លងកើនឡើងខ្ពស់ដដែល។

អគ្គនាយកអង្គការសុខភាព ពិភពលោក​ បានគត់សម្គល់ឃើញថា ​នៅតំបន់អឺរ៉ុប និងប្រទេសមួយចំនួន មានភាពល្អប្រសើរឡើងពីមួយថ្ងៃទៅមួយថ្ងៃដោយមានអ្នកឆ្លងថយចុះជាបន្តបន្ទាប់  ប៉ុន្តែ​​នៅទូទាំងពិភពលោក​ ការឆ្លងរាលដាល កូវីដ១៩​កាន់តែអាក្រក់ទៅៗ។​ ជាមួយគ្នានេះលោក Tedros Adan Gebreyesus បានអំពាវនាវដល់បណ្តាប្រទេសមានការប្រុងប្រយ័ត្នខ្ពស់​ បញ្ចៀសការឆ្លងកូវីដ១៩ ជាលើកទីពីរ​។

តាមគេហទំព័រ Worldometer បានផ្សាយថា ​គិតមកទល់ពេលនេះ​មានមនុស្ស​ជាង​៧,២​លាននាក់ ​ឆ្លងកូវីដ​១៩ និងស្លាប់ជាង​៤សែននាក់។ ជាមួយគ្នានេះក៏មានអ្នកព្យាបាលជាសះស្បើយជាង​៣,៥លាននាក់ផងដែរ​។

ប្រទេសដែលរងផលប៉ះពាល់ខ្លាំងជាងគេ គឺអាមរិក មានអ្នកឆ្លងកើនឡើងជាង​២លាននាក់ហើយ និងស្លាប់ ជាង​១១៣ពាន់នាក់​។​ ប្រទេសឈរលំដាប់ទីពីរ ​គឺប្រេស៊ីល មានអ្នកឆ្លង​កើនឡើង ដល់ទៅ​៧១០ពាន់នាក់ និងស្លាប់​ ៣៧ ពាន់នាក់​៕ ប្រែសម្រួលដោយ៖​ MEO

from： https://tnaot.com/km/m/detail/article/9355296