វេជ្ជបណ្ឌិតបានវះកាត់ដកយកឆ្នាំងសាកថ្មទូរស័ព្ទចល័តដែលមានជើងពីរ ចេញពីខាងក្នុងប្លោកនោមរបស់បុរសជនជាតិឥណ្ឌាម្នាក់។ អ្នកជំងឺមានអាយុ៣០ឆ្នាំ បានទៅជួបគ្រូពេទ្យ បន្ទាប់ពីត្អូញត្អែរឈឺពោះ កាលពីសប្តាហ៍មុន ។ 

គេមិនទាន់ច្បាស់ទេថា តើមូលហេតុអ្វីបាននាំឲ្យឆ្នាំងសាកទូរស័ព្ទ​ចូលទៅខាងក្នុងប្លោកនោមរបស់បុរសនោះឡើយ ។ គ្រូពេទ្យជឿថា វាត្រូវបានបុរសនោះលេប ឬបញ្ចូលទៅតាមរយៈ “ការបំពេញចំណង់ផ្លូវភេទ” ក៏មិនដឹង ។

រូបថត​កាំរស្មីអ៊ិច បានបង្ហាញឲ្យឃើញថា ឆ្នាំងសាក​ថ្ម​ទូរស័ព្ទ​​ចល័តបាននិងកំពុងស្ថិតនៅក្នុង​ប្លោកនោម​របស់បុរសរូបនោះ។ 

បុរសរូបនោះត្រូវក្រុមគ្រូពេទ្យប្រើថ្នាំបញ្ចុះលាមក រយៈពេល២ថ្ងៃ ក្នុងគោលបំណងជួយកាត់បន្ថយការឈឺក្រពះ មុនពេលវះកាត់ចូលទៅក្នុងក្រពះ ពោះវៀន របស់គាត់ ។

បន្ទាប់មក គ្រូពេទ្យបានរកឃើញមុខកាត់៦១សង់ទីម៉ែត្រ ហើយសម្រេចចិត្តវះកាត់ ដើម្បីយកឆ្នាំងសាកថ្មទូរស័ព្ទនោះ ចេញពីប្លោកនោមរបស់បុរសរូបនោះ​។

គ្រូពេទ្យ៥នាក់បានប្រតិបត្តិការវះកាត់ រយៈពេល៤៥នាទី នៅមន្ទីរពេទ្យ Guwahati នាភាគខាងជើង ប្រទេសឥណ្ឌា កាលពីថ្ងៃ៣១ ខែឧសភា ឆ្នាំ២០២០ ។

វេជ្ជបណ្ឌិតម្នាក់ បានថ្លែងថា គាត់មិនធ្លាប់ជួបប្រទះនូវរឿងរ៉ាវបែបនេះទេពីមុនមក នៅក្នុងអាជីព រយៈពេល២៥ឆ្នាំកន្លងមកនេះ។  

អ្នកជំងឺប្រហែលជាមិនស្រួលចិត្តនោះទេ នៅពេលប្រាប់យើង(គ្រូពេទ្យ)ពីការពិត ដែលនាំឱ្យយើងស្វែងរកវត្ថុនោះ នៅក្នុងក្រពះ ពោះវៀន ។

ទោះបីខ្ញុំមិនច្បាស់អំពីសុខភាពផ្លូវចិត្តរបស់បុរសអ្នកជំងឺក៏ដោយ ក៏មនុស្សមួយចំនួនចូលចិត្តធ្វើអ្វីៗ ដើម្បីការរីករាយខាងផ្លូវភេទរបស់ពួកគេ ប៉ុន្តែចំពោះបុរសម្នាក់នេះ ជ្រើសរើសវិធីបែប​នេះ គឺឆ្ងាយប្លែកជាងគេបន្តិចហើយ ។ បុរសអ្នកជំងឺ​អ៊ិស្លាមរូបនោះ បានចំណាយពេលបីថ្ងៃ សម្រាកព្យាបាល នៅមន្ទីរពេទ្យ មុនពេលអនុញ្ញាត​ឲ្យត្រឡប់ទៅផ្ទះសម្បែងវិញ ៕ ប្រែសម្រួលដោយ៖ thach yat 

from： https://tnaot.com/km/m/detail/article/9354598