កាលពីថៃ្ងទី១៦ ខែមេសា ឆ្នាំ២០១៧ Ander Herrera បានបង្កើតនូវទម្រង់លេងមួយ ដែលអាចចាត់ទុកបានថា ជាទម្រង់លេងដ៏ល្អរបស់គេឲ្យក្រុមបិសាចក្រហម Manchester United។

Herrera បានស៊ុតបញ្ជូន១គ្រាប់ និងស៊ុតបញ្ចូលទី១គ្រាប់ ជួយ Man Utd បំបាក់ Chelsea ២-០ ក្នុងកីឡដ្ឋាន Old Trafford ប៉ុន្ដែអ្វីដែលធើ្វឲ្យអ្នកគាំទ្រកោតសរសើរទៅលើរូបគេគឺការតាមបិទ Eden Hazard។

Herrera និយាយប្រាប់ The Athletic៖​ «Jose និងខ្ញុំដឹងហើយថា Hazard ជាកីឡាករល្អជាងគេក្នុង Premier League នាពេលនោះ ដូច្នេះបើយើងចង់ឈ្នះការប្រកួត យើងត្រូវធើ្វឲ្យគេមិនអាចប៉ះបាល់បាន ឬប៉ះតិចតួចតាមដែលអាចធើ្វទៅបាន»។

«ហើយនោះជាអ្វីដែលពួកយើងព្រមព្រៀង។ ខ្ញុំនិយាយទៅកាន់ Jose «ខ្ញុំត្រៀមខ្លួនហើយ បើអ្នកចង់ឲ្យខ្ញុំតាមបិទគេ (Hazard) តាមគ្រប់ទីកន្លែង។ បើគេទៅបន្ទប់ទឹក ខ្ញុំក៏ទៅតាមដែរ ព្រោះខ្ញុំចង់ឈ្នះការប្រកួត»។

«វាជាអ្វីដែលសំខាន់ ព្រោះក្រុមខ្ញុំឈ្នះ ហើយខ្ញុំអាចគេងយ៉ាងរីករាយ។ វាមិនជាបញ្ហាអ្វីទេ បើអ្នកគោរពច្បាប់ការប្រកួត និងមិនធើ្វអ្វីឲ្យខុសនឹងច្បាប់»៕

ប្រភព៖ Sportbibble

from： https://tnaot.com/km/m/detail/article/9354235