​តាមប្រភពបានឱ្យដឹងថា ​ដោយសារតែ​ចង់ទៅមើលតារាសម្តែងថៃដ៏ល្បីចំនួន ២រូបនៅក្នុង​ផ្សារទំនើបមួយ អ្នកគាំទ្រជាច្រើនបានរំលោភច្បាប់រក្សាគម្លាតរបស់រដ្ឋាភិបាល។ 

ក្រុមអ្នកគាំទ្របានប្រមូលផ្តុំគ្នានៅ​ក្នុងផ្សារទំនើប Siam Paragon ទីក្រុងបាងកកដើម្បីបានចូលរួមការជួបសំណេះសំណាលជាមួយតារាសម្តែងលោក Anan Ying Wong និង លោក Wanarat War Ratsameerat ក្នុងការផ្សព្វផ្សាយរឿងភាគថៃថ្មីដែលមានចំណងជើងថា «End of Love »។ រូបថតនៃការជួបជុំនេះបានបង្ហាញថា  មានមនុស្សរាប់រយនាក់បានប្រមូលផ្តុំគ្នាដោយភ្លេចគិតអំពីការរីករាលដាលមេរោគឆ្លង។ លោក Siam Piwat ជាអ្នករៀបចំកម្មវិធីជួបជុំបាន​បញ្ជាឱ្យរោងកុនបិទចំនួន ៣ថ្ងៃ ហើយពួកគេបានសុំទោសចំពោះការរៀបចំកម្មវិធីដោយមិនបានរៀបចំវិធានការឱ្យបានសមស្របទៅតាមគោលការណ៍រក្សាគម្លាតរបស់រដ្ឋាភិបាល។

រូបតំណាង

រោងកុនទាំងអស់នៅប្រទេសថៃត្រូវបានអនុញ្ញាតឱ្យបើកដំណើរការឡើងវិញកាលថ្ងៃទី ១ ខែមិថុនា ប៉ុន្តែតម្រូវឱ្យអនុវត្តតាមវិធានការណ៍សុវត្ថិភាពដូចជាមិនបរិភោគនៅក្នុងរោងកុន និង​រក្សាគម្លាតរវាងក្រុមអ្នកមើលភាពយន្ត។ ​ម្ចាស់សហគ្រាសនិងបុគ្គលិកក៏ត្រូវពាក់ម៉ាស​គ្រប់ពេលផងដែរ។ រោងកុននៅទីក្រុងបាងកកនឹងបើកដំណើរការវិញនៅថ្ងៃពុធខាងមុខនេះ។ 

កែសម្រួលដោយ៖ ភារ៉ា

ប្រភព៖ Samuitime

from： https://tnaot.com/km/m/detail/article/9351502