Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

តោះទៅមើលទិដ្ឋភាព Pub Street មុនពេលផ្ទុះជំងឺ Covid 19 តើស្រស់ស្អាតយ៉ាងណា?

ខេត្តសៀមរាប គឺជាខេត្តគោលដៅទេសចរណ៍ដ៏សំខាន់មួយនៅ​ក្នុង​ប្រទេសកម្ពុជាយើង ក៏ដូចជានៅ​ជុំវិញពិភពលោក ដែល​មានភ្ញៀវទេសចរ​មកទស្សនាយ៉ាងច្រើនកុះករជារៀងរាល់ឆ្នាំ។ ទេសចរដែល​មកលេងនៅខេត្តសៀមរាប គោលដៅ​ចម្បងរបស់គេ​គឺ​ប្រាកដជាមក​ទស្សនា​ប្រាង្គប្រាសាទបុរាណ​នានា​ជាក់​ជាពុំខាន។ ប៉ុន្តែ​ ចុះ​នៅ​ពេល​រាត្រីតើ​គេ​អាច​ទៅ​ទស្សនា​នៅទីណា?

វា​មាន​ច្រើន​កន្លែង​ដូច​ជា ​អាច​ទៅ​ទិញ​របស់​របរ​នៅ​ផ្សាររាត្រី (ផ្សាររាត្រី​អង្គរ ផ្សាររាត្រីផល្លាអង្គរ ផ្សាររាត្រី Palm Container ផ្សាររាត្រី Siem Reap Art Center ផ្សាររាត្រីមាត់ស្ទឹង។ល។) ទៅផ្លូវ ៦០ ម៉ែត្រ និង​ទៅ​តំបន់​ Pub Street ជាដើម។ ក្នុង​ចំណោម​ទីកន្លែង​ទាំងអស់​នេះ តើ​មួយណាដែល​ភ្ញៀវ​ពេញនិយម​ជាងគេ?

ក្រៅ​ពី​ការទស្សនា​ប្រាសាទ​នៅ​ពេល​ថ្ងៃ ភ្ញៀវ​ទេសចរ​ទាំង​ឡាយ ជាពិសេស​ភ្ញៀវ​បរទេស​តែង​ទៅ​កម្សាន្ត​នៅ​តំបន់​ Pub Street ។ ទីនេះប្រជុំដោយ​ភោជនីយដ្ឋាន​ធំៗ មានកន្លែង​ម៉ាស្សា មានក្លឹបរាំកម្សាន្ត មាន​ហាងលក់​វត្ថុអនុស្សាវរីយ៍ ជាពិសេស​គឺ​មានការ​ដាក់​តាំងលម្អ​ភ្លើង​យ៉ាងស្រស់ស្អាតទៀតផង។

ភ្ញៀវដែល​ទៅ​ទីនេះ ភាគច្រើនលើសលប់​ជាភ្ញៀវ​មក​ពី​លោក​ខាងលិច ដែល​ជាទូទៅ​ពួក​គេ​ទៅ​ដើម្បី​ទទួល​ទាន​អាហារ ផឹកបៀរ​ ម៉ាស្សាដងខ្លួន ម៉ាស្សា​ជើង និង​រាំលេងកម្សាន្តជាដើម។ មិន​ថា​តែ​ភ្ញៀវ​បរទេសទេ សូម្បី​តែ​ទេសចរខ្មែរយើង​ដែល​បាន​មក​លេង​នៅ​ខេត្តសៀមរាបនេះ​ក៏​ពុំសូវរំលង​ Pub Street ដែរ។

ក្រៅ​ពីនេះ Pub Street ក៏ជា​តំបន់​ដែល​គេ​រៀប​ចំពេល​មាន​កម្មវិធី​ប្រចាំឆ្នាំ​បែប​បរទេសដូចជា បុណ្យនៃ​ក្ដី​ស្រឡាញ់ បុណ្យ​ Halloween ជាពិសេសគឺ​បុណ្យឆ្លង​ឆ្នាំ​សាកលតែម្ដង។

ប៉ុន្តែជាអកុសល ដោយសារការផ្ទុះឡើង​នូវជំងឺកូវីដ ១៩ បានធ្វើ​ចំនួន​ភ្ញៀវទេសចរនៅទូទាំងសាកលលោក រួមទាំងប្រទេសយើងផង បានធ្លាក់ចុះយ៉ាងខ្លាំង ដោយសារប្រទេសនីមួយៗបានសម្រេចចិត្តបិទជើងយន្តហោះព្រោះតែការឆ្លងរីករាលដាលយ៉ាងលឿន​នៃជំងឺមួយនេះ។ ចង់ដឹងថាតើ មុនពេល​កើតជំងឺនេះឡើង តើទិដ្ឋភាពនៃតំបន់ Pub Street មានភាពស្រស់ស្អាតយ៉ាងដូចម្ដេចខ្លះ??

from: https://tnaot.com/km/m/detail/article/9350277