Sign In 
លោក Felix Dalmas គ្រូបង្វឹកក្រុមជម្រើសជាតិកម្ពុជា បានបង្ហាញគោលដៅសម្រាប់ក្រុមជម្រើសជាតិកម្ពុជា ក៏ដូចជាផែនការសម្រាប់ដណ្ដើមយកមេដាយនៅព្រឹត្តិការណ៍ Sea Game ២០២៣ ខាងមុខនេះ។
គ្រូបង្វឹកសញ្ជាតិអាហ្សង់ទីន បានបញ្ជាក់ថាកម្ពុជាលេងការពារជាយូរមកហើយ ដូច្នេះពេលនេះដល់ពេលដែលត្រូវលេងប្រយុទ្ធវិញម្ដង។ លោកចង់កសាងប្រព័ន្ធលេងមួយសម្រាប់កម្ពុជា ដើម្បីប្រកួតប្រជែងជាមួយក្រុមខ្លាំងៗដទៃទៀតក្នុងតំបន់។ ការកសាងក្រុមដែលល្អមួយទៅបាន លោក Felix ក៏ស្នើសុំការចូលរួមពីគ្រប់ភាគីពាក់ព័ន្ធផងដែរ ជាពិសេសក្លឹបបាល់ទាត់នៅកម្ពុជាតែម្ដង។ 
រំលឹកថាត្រឹមពេល២ឆ្នាំដែលលោក Felix ចូលមកដឹកនាំក្រុមជម្រើសជាតិកម្ពុជា គឺបានសម្រេចបាន៣រឿងធំៗ គឺការបានលេងជម្រុះ World Cup 2022 ការឡើងដល់វគ្គពាក់កណ្ដាលផ្ដាច់ព្រ័ត្រ AFF U22 Championship និងការឡើងដល់វគ្គពាក់កណ្ដាលផ្ដាច់ព្រ័ត្រ Sea Games 2019 កន្លងទៅនេះ។ សម្រាប់ឆ្នាំ២០២៣ខាងមុខ លោកក៏បានដាក់គោលដៅឱ្យបានខ្ពស់បំផុតផងដែរ៕
