Sign In 
សហព័ន្ធកីឡាបាល់ទាត់កម្ពុជា បានរៀបចំមហាសន្និបាតសហព័ន្ធកីឡាបាល់ទាត់កម្ពុជាលើកទី១៤ឆ្នាំ២០២០ កាលពីព្រឹកមិញនេះ។ ក្នុងនោះដែរ សហព័ន្ធក៏មានរបាយការណ៍សម្រាប់ការចំណាយ ក៏ដូចជាចំណូលប្រចាំឆ្នាំ២០២០នេះ ដើម្បីឱ្យសមាជិកទាំងអស់បានដឹងផងដែរ។ សម្រាប់ឆ្នាំ២០២០ សហព័ន្ធកីឡាបាល់ទាត់កម្ពុជា ទទួលបានចំណូលសរុប ៦ ៤៥៩ ១២៦ដុល្លារអាមេរិក ខណៈដែលចំណាយវិញអស់ ៦ ០៨៦ ៤៩៦ដុល្លារអាមេរិក។ បើតាមចំនួននេះ សហព័ន្ធនៅសល់ប្រាក់ជិត៤០ម៉ឺនដុល្លារដែរនៅឆ្នាំនេះ។
សម្រាប់ចំណូលឆ្នាំ២០២០ដែលទទួលបានគឺមកពី
-ថវិកាសល់នៅឆ្នាំ២០១៩ ចំនួន ១ ៦៩៣ ០២៤ដុល្លារ
-ថវិកាបានពី AFF ចំនួន ១៨៨ ១៥៥ដុល្លារ
-ថវិកាបានពីសហព័ន្ធបាល់ទាត់ជប៉ុន ២០ ០០០ដុល្លារ
-ថវិកាបានពី AFC ១ ៣០០ ០០០ដុល្លារ
-ថវិកាបានពី FIFA ១ ៧៥០ ០០០ដុល្លារ
-ថវិកាបានពីក្រសួងអប់រំ ៥០៣ ២៨៣ដុល្លារ
-ថវិកាបានពីការឧបត្ថម្ភផ្សេងៗ ១ ០០៤ ៦៦៤ដុល្លារ
សម្រាប់ការចំណាយវិញអស់ទៅលើ៖
-ការអភិវឌ្ឍគ្រូបង្ហាត់ ៦៦ ១៣៩ដុល្លារ
-ការអភិវឌ្ឍបាល់ទាត់ថ្នាល ៧៩២ ៧៣០ដុល្លារ
-ការអភិវឌ្ឍផ្នែកទីផ្សារ ទំនាក់ទំនង ៣២ ៩៦៩ដុល្លារ
-ការអភិវឌ្ឍក្លឹប/រចនាសម្ព័ន្ធបាល់ទាត់រាជធានី ខេត្ត ១៨០ ០០០ដុល្លារ
-ការអភិវឌ្ឍបាល់ទាត់នារី ២៦០ ១១០ដុល្លារ
-ការអភិវឌ្ឍក្រុមជម្រើសជាតិ ៩៨១ ៣៨៣ដុល្លារ
-ការអភិវឌ្ឍអាជ្ញាកណ្ដាល ៧៣ ០៣៩ដុល្លារ
-ការអភិវឌ្ឍបាល់ទាត់ក្នុងសាល ៧៥ ៩៤៦ដុល្លារ
-ការរៀបចំការប្រកួតថ្នាក់អន្តរជាតិ ៣៥០ ៣៩៤ដុល្លារ
-ការកសាងហេដ្ឋារចនាសម្ព័ន្ធបាល់ទាត់ ១ ៨៨៩ ៥៦៨ដុល្លារ
ចំណាយរដ្ឋបាល និងប្រាក់ខែ ៩៥៣ ៩៧០ដុល្លារ
