Sign In 
វិវាទនៅព្រំដែនអាមេរិក និងចិន កាន់តែតានតឹង ហើយអាមេរិកបានស្នើជួយដល់ឥណ្ឌា ដើម្បីដោះស្រាយវិវាទព្រំដែនជាមួយចិន។ ប៉ុន្តែឥណ្ឌា មិនព្រម ដោយចង់ដោះស្រាយវិវាទទ្វេភាគី។ នៅពេលនេះដែរ រដ្ឋាភិបាលឥណ្ឌា និងចិន បានព្រមព្រៀងគ្នា ដោះស្រាយវិវាទដោយសន្តិភាព នៅតាមបណ្តោយព្រំដែនប្រទេសទាំងពីរ។ កន្លងមកឥណ្ឌាបានបដិសេធសំណើរបស់អាមេរិក ដែលចង់ចូលរួមដោះស្រាយវិវាទព្រំដែន រវាងឥណ្ឌា-ចិន ដែលកំពុងតែតានតឹងដាក់គ្នា។
ប្រទេសទាំងពីរបានប្រឈមមុខតានតឹងដាក់គ្នាជាថ្មីតាមបណ្តោយព្រំដែន(LAC) តាមជ្រលង់ភ្នំហិមពាន្ត (Himalaya) ដោយភាគីឥណ្ឌាចោទប្រកាន់ទាហានចិនថា បានដើរល្បាតចូលព្រំដែនឥណ្ឌា។
ព្រំដែន(LAC) បានបង្កើតឡើង នៅឆ្នាំ១៩៩៣ ក្រោយប្រទេសទាំងពីរបានខិតខំដោះស្រាយវិវាទ ទើបបង្កើតបានជាព្រំដែនបញ្ចប់ជម្លោះ។ ប៉ុន្តែបន្ទាត់ព្រំដែនទាំងនោះ នៅមានបញ្ហាជាច្រើនពាក់ព័ន្ធនឹងការបោះបង្គោលព្រំដែន។
កាលពីខែឧសភា កន្លងមក កម្លាំងទាហានការពារព្រំដែនប្រទេសទាំងពីរបានប៉ះទង្គិចគ្នា នៅតាមបណ្តោយព្រំដែន (LAC) បង្កក្តីបារម្ភយ៉ាងខ្លាំង ។ ប៉ុន្តែការប៉ះទង្គិចគ្នានោះមិនបណ្តាលឲ្យមានអ្នកសា្លប់នោះឡើយ។
ការប្រឈមមុខតានតឹងដាក់គ្នា នាពេលនេះ ប្រទេសទាំងពីរបានបញ្ជូនកម្លាំងទាហាន និងអាវុធទំនើបៗជាច្រើនទៅកាន់ព្រំដែន គំរាមកំហែងគ្នាទៅវិញទៅមក។ប៉ុន្តែក្រោយមកប្រទេសទាំងពីរ ក៏បានព្រមព្រៀងគ្នាដោះស្រាយ ដោយសន្តិភាព។ ប្រទេសទាំងពីរ គឺជាមហាអំណាចបរមាណូក្នុងតំបន់ ប្រសិនបើផ្ទុះសង្គ្រាមនោះ នឹងខាតបង់ទាំងសងខាងជាមិនខាន៕ ប្រែសម្រួលដោយ៖ MEO
