យោងតាមសែត Sunday Times ​ដែលបាន​ដកស្រង់សម្តីនាយកប្រតិបត្តិក្រុមហ៊ុនអាកាសចរណ៍លោក Goh Choon Phong បានឱ្យដឹងថាក្រុមហ៊ុនអាកាសចរណ៍សិង្ហបុរីនឹងផ្តោតលើការជាសះស្បើយ​នៃមេរោគ​កូវីដ-១៩ ដោយមិនមានគម្រោងកាត់បន្ថយការងារនៅពេលនេះទេ។

ក្នុងពេលដែលលោក Goh Choon Phong បានមានប្រសាសន៍គឺលោកមិនបានបញ្ជាក់ថាក្រុមហ៊ុនអាចនឹងគិតឡើងវិញអំពីការកាត់បន្ថយបុគ្គលិកនោះទេ។ ក្រុមហ៊ុនអាកាសចរណ៍សិង្ហបុរីបានផ្តល់ការឈប់សម្រាកដោយគ្មានប្រាក់ឈ្នួលដោយស្ម័គ្រចិត្តដល់បុគ្គលិករបស់ខ្លួន។ ក្រុមហ៊ុនអាកាសចរណ៍សិង្ហបុរីនិងអង្គភាព SilkAir ​បានស្តារជើងហោះហើរមួយចំនួនឡើងវិញនៅខែនេះ ប៉ុន្តែកំពុងដំណើរការត្រឹមតែ ៦% ​តែប៉ុណ្ណោះ ដោយសារការរីករាលដាលនៃមេរោគទូទាំងពិភពលោកបានធ្វើឱ្យ​ការធ្វើដំណើរត្រូវបានផ្អាក។ ក្រុមហ៊ុន​មួយចំនួននៅជុំវិញពិភពលោកខ្លះកំពុងស្វែងរក​ប្រាក់កម្ចីបន្ថែម ខ្លះកាត់បន្ថយការងារ និងខ្លះ​ទុកចោលអាជីវកម្ម ​ហើយមានខ្លះវិញបានដួលរលំទៅហើយ។

រូបតំណាង

ក្រុមហ៊ុនអាកាសចរណ៍នេះ​​រក​ចំណូលបានប្រមាណ ​៦,៣ ប៊ីលានដុល្លារ តាមរយៈការលក់ភាគហ៊ុន​។ ក្រុមហ៊ុននេះក៏បានកាត់បន្ថយប្រាក់ខែរបស់​បុគ្គលិក​របស់ខ្លួនចំនួន ៣០%ផងដែរចាប់ពីថ្ងៃទី ១ ខែមេសាមក ហើយពេលនេះកំពុងចរចាជាមួយក្រុមហ៊ុនផលិតយន្តហោះដើម្បីកែសម្រួលការចែកចាយនិង​ការទូទាត់។ ក្រុមហ៊ុនបានរាយការណ៍ពីការខាតបង់ប្រចាំត្រីមាសដ៏​ច្រើនបំផុតរបស់ខ្លួនក្នុងរយៈពេល ៣ខែដំបូងនៃឆ្នាំនេះ។ 

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9344838