Sign In 
នៅទូទាំងប្រទេសកូរ៉េខាងត្បូង បានកត់ត្រាឃើញថ្មី ស្តីអំពីការឆ្លងកូវីដ១៩នោះ ចំនួនជាង៥០នាក់ក្នុងមួយថ្ងៃ ។ ជាពិសេសនៅតំបន់ប្រជុំជន មានការឆ្លងខ្លាំង។
ប្រភពព័ត៌មានពីបណ្តាញទូរទស្សន៍ Arirang បានផ្សាយថា នេះគឺជាថ្ងៃទី២ហើយ ដែលនៅក្នុងប្រទេសកូរ៉េខាងត្បូង បានកត់ត្រាឃើញមានអ្នកឆ្លងកូវីដ១៩ច្រើនលើសពី៥០នាក់ ។ មួយថ្ងៃមុននេះ មានករណីឆ្លងជាង៥០នាក់ផងដែរ ។ 
មជ្ឈមណ្ឌលបង្ការ និងគ្រប់គ្រងជំងឺរបស់កូរ៉េខាងត្បូង ហៅកាត់ថា KCDC បានបញ្ជាក់កាលពីថ្ងៃទី៧ ខែមិថុនា ឆ្នាំ២០២០ថា អ្នកឆ្លងកូវីដ១៩ថ្មី សរុប៥៧នាក់ ភាគច្រើនគឺឆ្លងតាមរដ្ឋធានី ។ ក្នុងចំណោមអ្នកឆ្លងថ្មីទាំងអស់នោះ មាន៤ករណីប៉ុណ្ណោះ ជាករណីឆ្លងនៅក្នុងស្រុក ។
ក្រុមហ៊ុន Richway លក់ផលិតផលថែរក្សាសម្ផស្ស សុខភាព ថែរក្សាសក់ ការថែរក្សាស្បែក របបអាហារសុខភាព និងផលិតផលអាហារបំប៉ន នៅក្នុងទីក្រុងសេអ៊ូល មានការឆ្លងកូវីដ១៩នេះច្រើន ហើយនិងនៅបន្ទប់វាយកីឡាទីន្នីសលើតុមួយកន្លែង ក៏បានឆ្លងខ្លាំងផងដែរ ។ 
នៅជិតទីក្រុង Yongin ក៏មានឆ្លងកូវីដ១៩ថ្មី ពាក់ព័ន្ធទៅនឹងព្រះវិហារមួយកន្លេងនោះដែរ ។
ករណីឆ្លងថ្មីបានបន្តធ្លាក់ចុះបើប្រៀបធៀបកាលពីចុងខែឧសភា ឆ្នាំ២០២០ នៅក្នុងប្រទេសកូរ៉េខាងត្បូង ។ ប៉ុន្តែបើទោះជាបែបនេះ ក៏ដោយ អាជ្ញាធរសុខាភិបាលប្រទេសនេះ ជាថ្មីម្តងទៀតបានជំរុញប្រជាជនឲ្យបន្តនៅឃ្លាតឆ្ងាយពីសង្គមសម្រាប់ជីវិតប្រចាំថ្ងៃ ដើម្បីបញ្ចៀសការឆ្លងកូវីដ១៩ ។ 
គួរបញ្ជាក់ថា វីរុសកូវីដ១៩នៅប្រទេសកូរ៉េខាងត្បូង ឆ្លងសរុប ១១ ៧៤១ នាក់ ក្នុងនោះបាត់បង់ជីវិត ២៧៣ នាក់ និង ១០ ៥៥២ នាក់បានជាសះស្បើយ ៕ ប្រែសម្រួលដោយ៖ thach yat
