អ្នកវិនិយោគប្រទេសកូរ៉េ មានគម្រោងនាំចូលម៉ូតូសាកថ្ម ក្នុងប្រទេសកម្ពុជា ដើម្បីរួម​ចំណែកទប់ស្កាត់ លើផលប៉ះពាល់ផ្នែកបរិស្ថាន។

ជាមួយគ្នានេះ ប្រធានក្រុមហ៊ុន Daehan Group របស់ប្រទេសកូរ៉េ លោក Lee JaeHoo បាន បង្ហាញពីគម្រោងនាំចូល និងគ្រោងដាក់ឱ្យដំណើរការ​ម៉ូតូសាកថ្ម (Electric Vehicle) ដែល​អាចប្តូរថ្ម​មាន​សាក នៅតាមស្ថានីយ៍ ដើម្បី​ជួយដល់ការកាត់បន្ថយ​ផល​ប៉ះពាល់ផ្នែកបរិស្ថាន។

គម្រោងនេះត្រូវបានប្រកាសឡើង នៅក្នុងជំនួបមួយ រវាងរដ្ឋមន្ត្រីក្រសួងសាធារណការ និងដឹកជញ្ជូន​លោក ស៊ុន ចាន់ថុល ជាមួយនឹងប្រធានក្រុមហ៊ុនDaehan Group លោក Lee JaeHoo។

បើតាម លោក Lee JaeHoo បានលើកឡើងថា គម្រោងនាំចូល និងដាក់ឲ្យដំណើរការ ម៉ូតូសាកថ្ម (Ele-​ctric Vehicle) គឺអាចប្រើប្រាស់សម្រាប់ធ្វើដំណើរ បានចម្ងាយប្រមាណ១០០គីឡូម៉ែត្រ និងអាចកាត់បន្ថយផលប៉ះពាល់ផ្នែកបរិស្ថាន និងមានតម្លៃចន្លោះពី១០០០ ទៅ១៥០០ ដុល្លារសហរដ្ឋអាមេរិក។

ជាមួយគ្នាផងដែរ លោកលោក Lee JaeHoo កំពុងស្នើសុំអនុសាសន៍ និង ការគាំទ្រពីរដ្ឋមន្ត្រីក្រសួងសាធារណការនិងដឹកជញ្ជូន មុននឹងធ្វើការនាំចូល និងដាក់ឱ្យដំណើរការគម្រោងនេះជាផ្លូវការ។

បើតាមរដ្ឋមន្ត្រីក្រសួងសាធារណការ និងដឹកជញ្ជូន​លោក ស៊ុន ចាន់ថុល បានផ្ដល់ការគាំទ្រចំពោះគម្រោង និងបានស្នើឲ្យក្រុមហ៊ុនផ្ដោតសំខាន់ លើការប្រើប្រាស់មធ្យោបាយធ្វើដំណើរនេះ នៅខេត្តសៀមរាប ដើម្បីជួយសម្រួលដល់ការធ្វើដំណើរ របស់អ្នកទេសចរណ៍ នៅក្នុងតំបន់ប្រាសាទអង្គរវត្ត និងជួយកាត់បន្ថយការបំពុលបរិស្ថានផងដែរ។

សូមបញ្ជាក់ថា ឆ្លើយតបនិងគម្រោងនេះផងដែរ កម្ពុជាបានធ្វើការជំរុញលើកទឹកចិត្ត ឲ្យក្រុមហ៊ុន​ធ្វើការសិក្សាលើ​គម្រោងរបស់ខ្លួន ឲ្យបានច្បាស់លាស់សិន មុនសម្រេចធ្វើការនាំចូលដាក់ឱ្យដំណើរការជាផ្លូវ  ការ៕ ដោយ៖ ឃួន លក្ខិណា

from： https://tnaot.com/km/m/detail/article/9335372