ព័ត៌មាននៃការចង់បាន Thiago Alcantara របស់ក្លឹបហង្សក្រហម Liverpool ពីក្លឹបយក្ស Bayern Munich កើតឡើងប៉ុន្មានសប្តាហ៏ហើយ តែការដាក់សំណើរជាផ្លូវការណាមួយពីក្លឹបជើងឯកPremier League ហាក់មិនទាន់ត្រូវបានរាយការណ៏នៅឡើយ។

តែពេលនេះ ប្រភពព័ត៌មានជាច្រើននៅអាល្លឺម៉ង់បានបង្ហើបថាLiverpool បានដាក់សំណើរទិញជាផ្លូវការហើយ ដោយក្លឹបបានទាក់ទងទៅប្រធានផ្នែកកីឡារបស់Bayern លោក Hasan Salihamidzic ដើម្បីពិភាក្សាអំពីការទិញយកកីឡាករ Thiagoនេះដោយកីឡាកររូបនេះបានសម្រេចចិត្តថានឹងចាកចេញពី Bayern Munich នារដូវក្តៅនេះ។

គួរបញ្ជាក់ផងដែរថា កុងត្រារបស់ Thiago Alcantara ជាមួយក្លឹប Bayern Munich នឹងផុតកំណត់នៅរដូវកាលក្រោយ ហើយThiago បានសម្រេចចិត្តថានឹងមិនបន្តកុងត្រាជាមួយក្លឹបយក្សអាល្លឺម៉ង់ទៀតទេ។ ដូចនេះមានន័យថា Bayern Munich ត្រូវតែដាច់ចិត្តលក់ខ្សែបម្រើរូបនេះជាដាច់ខាតនារដូវក្តៅនេះ។

ប្រភព៖ Talksports 

from： https://tnaot.com/km/m/detail/article/9586371