Sign In 
ភ្នំពេញ៖ នារីម្នាក់រួមដំណើរនារីម្នាក់ទៀតបើករថយន្តហាយឡែនឌ័រមួយគ្រឿងខណះកំពុងធ្វើដំណើរសុខៗក៏ចាប់ហ្វ្រាំងបន្ថយល្បឿនស្រាប់តែមានរថយន្តហ៊ីយ៉ាន់ដាយដឹកទំនិញមកពីក្រោយជ្រុលបុកពេញទំហឹងបណ្តាលឲ្យរងការខូចខាតយ៉ាងដំណំ ហេតុការណ៍នេះបានកើតឡើងកាលពីវេលាម៉ោង១១យប់ថ្ងៃទី១៣ ខែសីហា ឆ្នាំ២០២០ នៅចំណុចជិតមន្ទីរពេទ្យឯករាជ១ តាមបណ្តោយផ្លូវចោមចៅ ភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ។ 
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញនារីម្នាក់បើករថយន្តម៉ាកហាយឡែនឌ័រ ណ៍ទឹកប្រាក់ពាក់ស្លាក់លេខភ្នំពេញ2AZ 9747 រួមដំណើរជាមួយនារីម្នាក់ទៀត ធ្វើដំណើរតាមបណ្តោយផ្លូវចោមចៅ ក្នុងទិសដៅពីកើតទៅលិចខណះមកដល់ចំណុចកើតហេតុក៏ចាប់
ហ្វ្រាំងបន្ថយល្បឿនភ្លាមនោះស្រាប់តែមានរថយន្តហ៊ីយ៉ាន់ដាយដឹកទំនិញ ពណ៍ស ពាក់ស្លាកលេខព្រះសីហនុ3A 5547 ធ្វើដំណើរមកពីក្រោយចាំហ្វ្រាំងមិនទាន់កីជ្រុលបុកគូទពេញទំហឹងបណ្តាលឲ្យរងការខូចខាតយ៉ាងដំណំតែមិនមានមនុស្សរងរបួសនោះទេ។ 
ក្រោយកើតហេតុដោយសារសម្របសម្រួលគ្នាមិនត្រូវទើបសម្ថកិច្ចធ្វើការវាស់វែងយកទៅរក្សាទុករងចាំដោះស្រាយតាមច្បាប៕ដោយ ផេងភាព
