Sign In 
បារាំង ៖ ប្រទេសបារាំងបានកត់ត្រានូវការលោតផ្លោះដ៏ធំបំផុតរបស់ខ្លួននៅក្នុងករណីឆ្លងកូវីដ១៩ ប្រចាំថ្ងៃ ចាប់តាំងពីពេលដែលខ្លួនចាប់ផ្តើមបន្ធូរបន្ថយការចាក់សោរប្រទេស។ ក្រសួងសុខាភិបាលបារាំងកាលពីថ្ងៃពុធ បានរាយការណ៍អំពីការកើនឡើងនៃករណីឆ្លងកូវីដ១៩ ចំនួន ២,៥២៤ករណី ក្នុងរយៈពេលត្រឹមតែ២៤ម៉ោងប៉ុណ្ណោះ។
នេះគឺជាការកើនឡើងដ៏ធំបំផុតក្នុងរយៈពេលតែមួយថ្ងៃ នៃករណីឆ្លងជំងឺកូវីដ១៩ ចាប់តាំងពីថ្ងៃទី៦ ខែឧសភា គឺ៥ថ្ងៃមុនប្រទេសបារាំងបានបន្ធូរបន្ថយការរឹតបន្តឹងការចាក់សោ។ ការកើនឡើងនេះ កើតឡើងបន្ទាប់ពីនាយករដ្ឋមន្ត្រីបារាំង Jean Castex បាននិយាយកាលពីថ្ងៃអង្គារ៍ថា ស្ថានភាពជំងឺកូវីដ១៩ នៅប្រទេសបារាំងកំពុង «មាននិន្នាការខុស»៕
ផ្តល់សិទ្ធដោយ៖ កោះសន្តិភាព
