តារាឆ្នើមរបស់ក្រុមអ្នកមានបារាំង PSG បាននិយាយថា គេមិនដែលគិតថាក្រុមរបស់ខ្លួននឹងបរាជ័យឡើយ បើទោះបីជាត្រូវគេនាំមុខតាំងពីតង់ទី១ ក៏ដោយ។

PSG បានវ៉ាយបក២គ្រាប់ក្នុងចុងម៉ោងតង់ទី២ ដែលធើ្វឲ្យ Atalanta គ្រាំចិត្ដខ្លាំង ក្រោយធើ្វនាំមុខតាំងពីនាទីទី២៧ ដោយ​ការស៊ុត២គ្រាប់នោះធើ្វបាននៅនាទីទី៩០+ ដោយកីឡាករ Marquinhos និង Eric Maxim។

ក្រោយបញ្ចប់ការប្រកួត ខែ្សប្រយុទ្ធសញ្ជាតិប្រេស៊ីល និយាយថា៖ «ខ្ញុំមិនដែលគិតថា ក្រុមយើងនឹងត្រូវធ្លាក់នោះទេ។ គ្មានអ្វីដែលត្រូវរារាំងខ្ញុំឲ្យគិតពីការឡើងទៅកាន់វគ្គផ្ដាច់ព្រ័ត្រនោះឡើយ»។

«វាពិតជាការប្រកួតដ៏ពិបាក តែយើងជាក្រុមខ្លាំង និងជាគ្រួសារដ៏ពិតប្រាកដ។ វាពិតជាមិនអាចទៅរួចទេ ដែលយើងគិតថាពួកយើងនឹងធ្លាក់នោះ»។

Neymar ខកខានឱកាសមាសកាលពីដើមតង់ទី១ ប៉ុន្ដែអាចបង្វែស្ថានការមកវិញ ក្រោយពីបញ្ជូនបាល់ឲ្យមិត្ដរួមក្រុមស៊ុតតាមស្មើនៅនាទីទី៨៩ ជិតចូល៩០ទៅហើយ មុនពេលនាទីទី៩០+ Eric Maxim ស៊ុតយកគ្រាប់ជ័យជម្នះ៕

ប្រភព៖ Dailymail

from： https://tnaot.com/km/m/detail/article/9583741