កាសែតកីឡា The Sun បានគេរាយការណ៍ថា ក្លិបតោខៀវ Chelsea កំពុងឈានដល់កិច្ចព្រមព្រៀងជាមួយក្លិប RB Leipzig ក្នុងការចុះហត្ថលេខាយកខ្សែប្រយុទ្ធ Timo Werner នៅរដូវក្តៅនេះ។

ប្រភពខាងលើបានឱ្យដឹងទៀតថា ក្លិប Chelsea បានយល់ព្រមលើកិច្ចព្រមព្រៀងដែលមានទំហំទឹកប្រាក់ចំនួន៥៤លានផោន សម្រាប់ផ្តល់ជូនក្លិប RB Leipzig ក្នុងការចុះកុងត្រារយៈពេល៥ឆ្នាំជាមួយ ខ្សែប្រយុទ្ធសញ្ជាតិអាល្លឺម៉ងរូបនេះ។

យ៉ាងណាមិញ ក្លិប Liverpool ក៏មានទំនាក់ទំនងជាមួយខ្សែប្រយុទ្ធវ័យ២៥ឆ្នាំរូបនេះផងដែរ ដែលមានការផ្សាភ្ជាប់ថា លោក Jurgen Klopp ពិតជាចង់ចុះហត្ថលេខាជាមួយតារាជើងស៊ុតម្នាក់នេះខ្លាំងណាស់។ សម្រាប់រដូវកាលនេះ រូបគេរកគ្រាប់បាល់បញ្ចូលទីបាន៣១គ្រាប់ ពីការបង្ហាញខ្លួនចំនួន៤០ប្រកួតគិតរាលព្រឹត្តិការណ៍ទាំងអស់។

យ៉ាងណាក៏ដោយ នេះគ្រាន់តែជាព័ត៌មានដែលបានបែកធ្លាយពីគេហទំព័រល្បីៗតែប៉ុណ្ណោះ ដែលចុះផ្សាយថាក្លិប Chelsea ពិតជាបានព្រមព្រៀងជាមួយ RB Leipzig ខណៈពេលព័ត៌មានផ្លូវការនៅមិនទាន់ដឹងនៅឡើយទេ ដូច្នេះមានតែរង់ចាំការប្រកាសផ្ទាល់ចេញពីក្លិបនៅពេលឆាប់ៗខាងមុខ៕

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9330066