ប្រទេសថៃ៖ មជ្ឈមណ្ឌលរដ្ឋបាលគ្រប់គ្រងស្ថានភាពមេរោគកូវីដ១៩ បានប្រកាសនៅថ្ងៃនេះថា ​ច្បាប់រឹតបន្តឹង​ទាក់ទងនឹងមេរោគកូវីដ១៩​ ​ទៅលើស្ថាប័នអប់រំ ការដឹកជញ្ជូនសាធារណៈ និងព្រឹត្តិការណ៍កីឡា នឹងត្រូវដកចេញចាប់ពីថ្ងៃទី ១៣ ខែសីហា។

ខាងក្រោមនេះជាសេចក្តីលម្អិត៖

 ១) ស្ថាប័នអប់រំនៅទូទាំងប្រទេសនឹងត្រូវបានអនុញ្ញាតឱ្យបើកដំណើរការបង្រៀន និងរៀន​វិញជាធម្មតា។ ទោះយ៉ាងណា​ការបើកសាលានេះគឺអាស្រ័យទៅតាមការសម្រេចចិត្តរបស់នាយកសាលា​នីមួៗ។

២) ការដឹកជញ្ជូនសាធារណៈ ​ទាំងផ្លូវគោកនិងផ្លូវទឹក អាច​ដំណើរការការងារ​ជាធម្មតាវិញដែលអនុញ្ញាតឱ្យ​ដាក់ចំនួនអ្នកដំណើរដូចធម្មតា។

៣) ​សម្រាប់ព្រឹត្តិការណ៍កីឡាវិញ ​អាជ្ញាធរអនុញ្ញាតឱ្យដាក់ទស្សនិកជនទៅតាមចំនួនកំណត់ ប៉ុន្តែហាមលើសចំណុះទីតាំង និងត្រូវរក្សាឱ្យបាននូវគម្លាត ដើម្បីការពារករណីឆ្លងមេរោគជាយថាហេតុ៕   

កែសម្រួលដោយ៖​ ភារ៉ា

ប្រភព៖ nation thailand

from： https://tnaot.com/km/m/detail/article/9583045