ស្ត្រីម្នាក់នៅខេត្ត​ Nakhon Ratchasima  ត្រូវបានគេប្រទះឃើញដេកស្លាប់ក្នុងផ្ទះដោយមាន​របួសអារបំពង់ក​នៅថ្ងៃទី ១២ ខែសីហា ​ហើយប៉ូលិសសង្ស័យថាជាករណីឃាតកម្ម។ ​

ជនរងគ្រោះឈ្មោះ Nattarika Shibahara អាយុ ២៩ឆ្នាំ រស់នៅជាមួយកូនស្រីម្នាក់អាយុ ៦ឆ្នាំ​ ហើយពេលកើតហេតុកូនស្រីរបស់នាងកំពុងនៅសាលារៀន។ ស្វាមីរបស់ជនរងគ្រោះជាជនជាតិសិង្ហបុរី ប៉ុន្តែមិននៅកន្លែងកើតហេតុនោះទេ។ ក្រុមអ្នកជំនាញខាងកោសល្យវិច័យបាននិយាយថា ជនរងគ្រោះបានស្លាប់អស់រយៈពេល ៣ ម៉ោងមុនពេលប៉ូលិសមកដល់​។ ប៉ូលិសបានរក​ឃើញភស្តុតាងដែលបញ្ជាក់ថា មានការវាយដំគ្នានៅក្នុងបន្ទប់គេង ហើយក្នុងផ្ទះត្រូវគេលួចទ្រព្យសម្បត្តិថែមទៀតផង។ ​

រូបតំណាង

អ្នកស៊ើបអង្កេតបានសង្ស័យថា ការស្លាប់នេះបណ្តាលមកពីបញ្ហាក្តីស្រឡាញ់ ព្រោះថាជនរងគ្រោះមានរូបរាងស្អាត ហើយធ្លាប់មានដៃគូស្នេហាច្រើនកាលពីអតីតកាល៕

កែសម្រួលដោយ៖ ភារ៉ា

ប្រភព៖ the pattaya news

from： https://tnaot.com/km/m/detail/article/9582975