Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

មើល​ម៉ាក​រថយន្ត​ល្បីៗ ផលិតដោយចិន ដាក់​លក់​ហូរហែ ខ្លះ​តម្លៃ​តែ​ជាង ៥ពាន់​ដុល្លារ

ស្លាកយីហោ​ក្រុមហ៊ុន​ផលិត​រថយន្ត​លំដាប់​កំពូល​ក្នុង​លោក​រមែង​មាន​ក្នុង​ប្រទេស​ជប៉ុន អ៊ីតាលី និង​អាល្លឺម៉ង់ ចម្លែក​អ្វី​ក្រុមហ៊ុន​ប្រទេស​ចិន Shandong Fengde បាន​ផ្តល់​ជូន​នូវ​ប្រភេទ​រថយន្ត​ទំនើប​ក្លែងក្លាយ (Clone) បែប LSEVs ដែល​ក្នុង​ស្រុក​ចិន​អនុញ្ញាត​ឲ្យ​បើកបរ​បាន ដោយ​ពុំ​ទាមទារ​ប័ណ្ណ​បើកបរ ព្រោះ​ល្បឿន​អតិបរមា​ដាក់​កំណត់​ត្រឹម ៦០ គ.ម/ម៉ ។

+Bugatti Chiron Mini EV Clone:

ចម្លង​ចេញ​ពី​ត្រកូល Chiron EV របស់​ក្រុមហ៊ុន Bugatti ម៉ូឌែល​នេះ​បំពាក់​កម្លាំង​ម៉ាស៊ីន​តូច​ត្រឹម ៤ ០០០ វ៉ាត់ ជាមួយ​តម្លៃ​ប្រមាណ ៦ ០០០ ដុល្លារ ឬ​កុម្ម៉ង់​ដល់​ ១០ គ្រឿង​សរុប​បញ្ចុះ​សល់​ត្រឹម ៥ ០០០ ពាន់​ដុល្លារ។

+Lamborghini Gallardo Mini EV Clone:

ក្រុមហ៊ុន​ផលិត​រថយន្ត​ប្រណីត​អ៊ីតាលី​ល្មម​សូម​ខ្មាស បើ​រូបរាង​ក៏​ដូច ប៉ុន្តែ​តម្លៃ​ធូរ​ថ្លៃ​ត្រឹម ៥ ៣០០ ដុល្លារ​ក្នុង​មួយ​គ្រឿង។

+Audi R8 Mini EV Clone:

ធ្លាប់​តែ​ឃើញ​ក្រុមហ៊ុន​អាល្លឺម៉ង់​ដាក់​លក់​រថយន្ត Audi តម្លៃ​រាប់​សិប​មុឺន​ដុល្លារ ដល់​ក្រឡេក​មើល R8 ក្នុង​ស្រុក​ចិន រចនាបថ​កៅអី​ពីរ​សម្រាប់​អ្នក​ធ្វើ​ដំណើរ និង​គ្រឿង​បរិក្ខារ​ក្លែងក្លាយ ស្ថិត​ក្នុង​តម្លៃ​តែ​ជាង ៥ ៥០០ ដុល្លារ។ បន្ថែម​ពី​នេះ​បើ​វិល​ត្រលប់​នឹក​ដល់​ពិព័រណ៍​តាំង​បង្ហាញ​រថយន្ត​ក្នុង​ទីក្រុង​សៀងហៃ​កាល​ពី​ឆ្នាំ ២០១៧ ក៏​សុទ្ធសឹង​ប្រមូល​ផ្តុំ ទៅ​ដោយ​ម៉ូឌែល​រថយន្ត​ប្លែកៗ​ជា​ច្រើន ខ្លះ​ចម្លង​ចេញ​ពី Audi, Volkswagen, Jaguar, Rang Rover និង Mercedes-Benz ជា​ដើម។

+Zotye 2700 ចម្លង​តាម Audi A6/Volkswagen Passat:

រូបរាង​កូន​កាត់ A6 និង Passat នៃ​ក្រុមហ៊ុន​ក្រៅ​ស្រុក ម៉ូឌែល 2700 ប្រើ​ម៉ាស៊ីន​ប្រភេទ​ប្រេង​សាំង​ចំណុះ ១,៨ លីត្រ បន្សំ​បច្ចេកវិទ្យា​ទំនើប​មួយ​ចំនួន​កាត់​ចេញ​ពី BMW ខណៈ​តម្លៃ​ប្រហែល ១៤ ០០០ ដុល្លារ។

+Zotye E200 ចម្លង​តាម Smart Fortwo:

ជា​កូន​រថយន្ត​អគ្គិសនី​ដែល​អាច​ធ្វើ​ដំណើរ​បាន​ចម្ងាយ​ផ្លូវ ២០០ គ.ម រាល់​ការ​សាក​បញ្ចូល​ភ្លើង​ម្តង។ មិន​ត្រឹម​ល្បីល្បាញ​ក្នុង​ស្រុក ក៏​មាន​នាំ​ចេញ​ជា​ហូរហែ​ទៅ​ទីផ្សារ​សហរដ្ឋអាមេរិក ជាមួយ​តម្លៃ​ប្រហែល ១៥ ០០០ ដុល្លារ។

+Hangteng EV ចម្លង​តាម Jaguar F-Pace:

F-Pace របស់ Jaguar ជា​ប្រភេទ​រថយន្ត SUVs ដែល​ទទួល​បាន​ការ​គាំទ្រ​មួយ ប៉ុន្តែ​ EV ម៉ូឌែល​នេះ មាន​លក្ខណៈ​ខុស​ប្លែក​ពី​គ្នា​ជុំវិញ​លក្ខណៈ​សម្បត្តិ​ជា​ច្រើន។

+JMC S331 48V ចម្លង​តាម Rang Rover Evoque:

រត់​លើ​ផ្លូវ​បើ​មិន​សម្លឹង​ឲ្យ​ចំ ប្រាកដ​ជា​ភ័ន្ត​ថា​រថយន្ត Rang Rover តម្លៃ​ជាង​ ១០ មុឺន​ដុល្លារ ប៉ុន្តែ​ធាតុ​ពិត​ជា​របស់​ក្រុមហ៊ុន JMC នៃ​ប្រទេស​ចិន​សោះ៕

from: https://tnaot.com/km/m/detail/article/9328413