យោងតាមរបាយការណ៍ពីក្លិប AC Milan ​បង្ហើបឱ្យដឹងថា ខ្សែប្រយុទ្ធ Zlatan Ibrahimovic បានជាសះស្បើយពីការរងរបួសសាច់ដុំកំភួនជើងខាងស្តាំវិញហើយ ក្រោយសម្រាកព្យាបាលអស់រយៈពេលជាង២សប្តាហ៍មកនេះ។

ខ្សែប្រយុទ្ធរូបនេះ មិនត្រូវបានគេរំពឹងថានឹងអាចវិលត្រឡប់មកកាន់ទីលានវិញទាន់ពេលវេលាទេ សម្រាប់ការប្រកួតដែលនៅសេសសល់ក្នុងរដូវកាលនេះ ប៉ុន្តែបញ្ហារបួសរបស់គេពេលនេះ បានធូរស្បើយហើយ ខណៈពេលដែលក្រុម Milan កំពុងត្រៀមជួបជាមួយ Juventus ក្នុងការប្រកួតជើងទី២ នៃពានរង្វាន់ Coppa Italia នៅថ្ងៃទី១៤ ខែមិថុនាខាងមុខ។ ដូច្នេះ មានន័យថា ខ្សែប្រយុទ្ធសញ្ជាតិស៊ុយអែតរូបនេះ នឹងអាចវិលត្រឡប់មកកាន់ទីលានវិញទាន់ពេលវេលា សម្រាប់ការប្រកួតខាងមុខ។

សម្រាប់រដូវកាលនេះ កីឡាករ Ibrahimovic រកគ្រាប់បាល់បញ្ចូលទីបាន៣គ្រាប់ ពីការបង្ហាញខ្លួនចំនួន៨ប្រកួតនៅក្នុងក្របខណ្ឌ Serie A៕

ប្រែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9328195