ទូរសព្ទ OnePlus Nord ធ្លាប់បានដាក់ចេញជាពីរពណ៌គឺ ពណ៌ Blue Marble និងពណ៌ Gray Onyx ។ ទោះយ៉ាងណាពណ៌ថ្មីមួយទៀតជាជម្រើសទីបីគឺកំពុងដំណើរការ នេះបើយោងតាមពាក្យចចាមអារាមថ្មីៗនេះ។ ពណ៌ថ្មីនឹងត្រូវបានគេហៅថា ពណ៌ Gray Ash ព័ត៍មាននេះមិនទាន់ច្បាស់ការនៅឡើយទេថាតើវានឹងខុសគ្នាយ៉ាងដូចម្តេចពីពណ៌ Gray Onyx ដែលបានដាក់លក់រួចហើយនោះ។

ទូរសព្ទ OnePlus Nord ពណ៌ Gray Ash ត្រូវបានគេសន្មតថានឹងចេញលក់នៅដើមខែតុលា។ ក្រុមហ៊ុន OnePlus ធ្លាប់បញ្ចេញនូវពណ៌ថ្មីសម្រាប់ទូរសព្ទរបស់ខ្លួនជាច្រើនផងដែរ ដើម្បីបង្កើនភាពរំជើបរំជួលបន្ថែមទៀតទៅកាន់អ្នកគាំទ្រទូរសព្ទ OnePlus Nord ហើយនេះមើលទៅដូចជាប្រើយុទ្ធសាស្រ្តទីផ្សាររបស់គេផងដែរ ។

ទន្ទឹមនឹងនេះដែរ ស្មាតហ្វូន OnePlus Nord ក៏គួរតែទទួលបាននូវតម្លៃថោកជាងមុនជាមួយនឹង RAM ទំហំ 6 GB និងអង្គផ្ទុកទិន្នន័យទំហំ 64 GB ដែលនឹងត្រូវដាក់លក់ផ្តាច់មុខសម្រាប់ក្រុមហ៊ុន Amazon ក្នុងប្រទេសឥណ្ឌាដែលនឹងចាប់ផ្តើមនៅខែក្រោយនេះ ៕ 

ប្រែសម្រួលដោយ៖ វិបុត្រ

ប្រភព៖ gsmarena

from： https://tnaot.com/km/m/detail/article/9582131