Sign In 
វត្តវិបុលត្ថារាម ហៅវត្តកណ្ដាល ស្ថិតនៅក្នុងភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង ដែលមានចម្ងាយប្រមាណ ៥០០មពីសាលាខេត្តបាត់ដំបង។
មូលហេតុដែលពុទ្ធបរិស័ទចំណុះជើងវត្តហៅ វត្តនេះថា វត្តកណ្ដាលដោយសារផ្អែកលើទីតាំងវត្ត ស្ថិតនៅចំកណ្ដាលនៃវត្តពីរគឺវត្តពោធិ៍ក្នុង និងវត្តសង្កែ។ វត្តនេះបានកសាងឡើងក្នុងឆ្នាំ ១៨៦៣ ដោយប្រជាពលរដ្ឋនៅក្នុងភូមិផ្ទាល់តែម្ដង ដឹកនាំដោយគ្រូចៅអធិការ នាំកម្លាំងកាប់ឆ្ការព្រៃសាងសង់បានជាសាលាបុណ្យ១ខ្នងធ្វើអំពីឈើប្រក់ស្លឹកនិងកុដិតូចៗ។
ក្រៅពីសល់ព្រះវិហារបុរាណ លំអដោយរចនាបថខ្មែរយ៉ាងល្អឥតខ្ចោះ វត្តកណ្ដាលនៅសល់អគារចាស់ៗជាច្រើនក្នុងសម័យបារាំង, ខ្លោងទ្វារដែលមានរចនាបថខ្មែរពីបូរាណ និង ប្រាង្គប្រាសាទកំពូល៥ធ្វើពីឥដ្ឋនៅខាងក្រោយវត្ត៕
អត្ថបទ៖ Wow Cambodian
