Sign In 
កន្លែងលក់សាច់ឆ្កែដែលល្បីខ្លំាងជាងគេ នៅក្នុងស្រុកបន្ទាយស្រី១កន្លែង ត្រូវបានអាជ្ញាធរចុះបិទអាជីវកម្មចប់ជាស្ថាពរ ដោយបញ្ឈប់មិនឱ្យ មានការលក់សាច់ឆ្កែជាបន្តទៀត។ 
លោក ឃឹម ហ្វីណង់ អភិបាលស្រុកបន្ទាយស្រី បានឲ្យដឹងនៅថ្ងៃទី១២ ខែសីហានេះថា មន្ត្រីរដ្ឋបាលស្រុកបន្ទាយស្រី បានសហការជាមួយមន្ត្រី មកពីមន្ទីរកសិកម្មខេត្តសៀមរាប ចុះត្រួតពិនិត្យកន្លែងទិញលក់សត្វឆ្កែ នៅក្នុងស្រុកបន្ទាយស្រី។ “យើងបានសង្កេតឃើញថា កន្លែងដែលទិញ-លក់ធំជាងគេនៅក្នុងស្រុក (និងក៏ជាកន្លែងធំជាងគេ នៅក្នុងខេត្តសៀមរាបដែរ ) បានបញ្ឈប់ការធ្វើអាជីវកម្មរបស់ខ្លួនហើយ ប៉ុន្តែនៅសល់ចំនួន២កន្លែងទៀត ដែលកំពុងធ្វើអាជីវកម្ម ហើយត្រូវបានទទួលការណែនាំជាថ្មីឲ្យបញ្ឈប់អាជីវកម្មនេះផងដែរ ។
ការចុះបិទទីតាំងលក់សាច់ឆ្កែនេះ គឺអាជ្ញាធរបានប្រកាន់ជំហរទន់ភ្លន់ លើបញ្ហានេះផ្តល់អាទិភាពទៅលើគោលការណ៍ស្ម័គ្រចិត្ត និងការណែនាំអប់រំអឲ្យបញ្ឈប់ជាជាងការចាប់បង្ខំ។
ជុំវិញរឿងនេះ រដ្ឋបាលស្រុកបន្ទាយមានជ័យ កំពុងធ្វើការជាមួយអង្គការសង្គ្រោះសត្វកម្ពុជា (Animal Rescue Cambodia) និងអង្គការហ្វរផរ (Four Paws) ដើម្បីរិះរកវិធីជួយសម្រួលដល់ការផ្លាស់ប្តូរមុខរបរថ្មីរបស់បងប្អូនអាជីវករក្នុងដំណាក់កាលអន្តរកាលនេះ៕ ដោយ៖ត្នោត
