មជ្ឈមណ្ឌល​រដ្ឋបាលគ្រប់គ្រងស្ថានភាពមេរោគកូវីដ១៩ (CCSA) បាន​មានប្រសាសន៍​នៅថ្ងៃពុធនេះថា ប្រទេសថៃមានករណីថ្មីនៃអ្នកឆ្លងមេរោគកូវីដ១៩ចំនួន ៥នាក់ និងមិនមានអ្នកស្លាប់ថ្មីទេ ដែលធ្វើឱ្យអ្នកជំងឺសរុបនៅទូទាំងប្រទេសថៃកើនឡើងដល់ ៣ ៣៥៦នាក់​ រីឯអ្នកស្លាប់នៅរក្សាចំនួន ៥៨នាក់ដដែល។

​អ្នកជំងឺថ្មី ៣នាក់ដំបូងគឺជានិស្សិតថៃអាយុ ២៣ , ២៤ និង ២៩ឆ្នាំ ​​ត្រឡប់មកពីប្រទេសអេ​ស៊ីបវិញនៅថ្ងៃទី ៣០ ខែកក្កដា និង​ត្រូវបានដាក់ឱ្យនៅដាច់ដោយឡែកក្នុងខេត្ត Chon Buri។ ​អ្នកជំងឺថ្មីទី៤ គឺជានិស្សិតថៃ​អាយុ ១៨ឆ្នាំ ​ត្រឡប់មកពីប្រទេសឥណ្ឌាកាលពីថ្ងៃទី ៣០ ខែកក្កដា និងត្រូវបាន​ដាក់ឱ្យនៅដាច់ដោយឡែក​ក្នុងទីក្រុងបាងកក។

អ្នកជំងឺថ្មីទី ៥ គឺជា​បុរសជនជាតិអាមេរិក ដែល​មកដល់​ទីក្រុងបាងកកកាលពីថ្ងៃទី ៨ ខែកក្ក​ដា និងត្រូវបាន​ដាក់ឱ្យនៅ​ដាច់ដោយឡែកក្នុងទីក្រុងបាងកក​។

មជ្ឈមណ្ឌល CCSA បានមានប្រសាសន៍ថា ​ប្រជាជនថៃដែលត្រឡប់មកពីប្រទេសអេ​ស៊ីបមាន​អត្រាឆ្លងជំងឺខ្ពស់ជាងគេ គឺ ៥៣នាក់ បន្ទាប់ពីអ្នកជំងឺត្រឡប់មកពីឥណ្ឌូនេស៊ីដែលមានអ្នកឆ្លងចំនួន ៧៥នាក់៕  

 កែសម្រួលដោយ៖ ភារ៉ា

ប្រភព៖ bangkok post

from： https://tnaot.com/km/m/detail/article/9581743