Sign In 
ភ្នំពេញ៖ នគរបាលប៉ុស្តិ៍ចាក់អង្រែលើឃាត់ខ្លួនជនសង្ស័យម្នាក់រួមទាំងថ្នាំញៀនចំនួនពីកញ្ចប់ធំកាលពីថ្ងៃទី១១ ខែ សីហា ឆ្នាំ ២០២០ នៅវេលាម៉ោង១៣នឹង ០០នាទី នៅចំណុច ផ្លូវលំ ភូមិ ព្រែកតាគង់១ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។
សមត្ថកិច្ចបានឲ្យដឹងថា ជនសង្ស័យមានឈ្មោះ លឺម សូនីសា ភេទប្រុសអាយុ ២១ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះជួលសង្កាត់បឹងទំពុន២ ខណ្ឌមានជ័យ រាជធានីភ្នំពេញ ។
ប្រភពពីសមត្ថកិច្ចដដែលបានបន្តទៀតថា នៅថ្ងៃទី១១ខែសីហាឆ្នាំ២០២០វេលាម៉ោង១៣នឹង០០នាទីកម្លាំងប៉ុស្តិ៍នគរបាលរដ្ឋបាលចាក់អង្រែលើ ចុះល្បាតក្នុងមូលដ្ឋានមកដល់ចំណុច កើតហេតុខាងលើក៏ប្រទះឃើញជនសង្ស័យឈ្មោះ លឹមសូនីសា កំពុងឈរជិតម៉ូតូក៏ឃាត់ត្រួតពិនិត្យ ឃើញមានក្រាមសថ្លាចំនួន ០២ កញ្ចប់ថង់ធំល្មមទើបឃាត់ខ្លួនតែម្តងវត្ថុតាងដកហូតមាន ក្រាមពណ៍សថ្លា ចំនួន០២កញ្ចប់ថង់ធំល្មម ។
បច្ចុប្បន្ន ជនសង្ស័យកំពុងឃាត់ខ្លួនបណ្តោះអាសន្ន នៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងទៅតុលាកាចាត់ការបន្តតាមនិតិវិធីច្បាប់៕ដោយ ផេង ភាព
