ក្លិបបាល់ទាត់ Lille បានចុះហត្ថលេខាជាមួយនឹងខ្សែប្រយុទ្ធ Jonathan David របស់ក្លិប Gent ក្នុងកិច្ចព្រមព្រៀងមួយដែលមានតម្លៃ ៣០ លានផោន ដើម្បីពង្រឹងតំបន់ខាងលើពួកគេបន្ថែម បន្ទាប់ពីកីឡាករខ្សែប្រយុទ្ធ Victor Osimhen ផ្លាស់ទៅ Napoli។

ខ្សែប្រយុទ្ធ Osimhen បានផ្លាស់ទៅចូលរួមជាមួយ Napoli កាលពីចុងខែកក្កដាក្នុងកិច្ចព្រមព្រៀងមួយដែលមានតម្លៃ ៥៤ លានផោន។ ក្រោយការចាកចេញរបស់ខ្សែប្រយុទ្ធរូបនេះ ក្លិប Lille សម្រេចនាំចូលកីឡាករ David ពីក្លិប Gent ដើម្បីក្លាយជាខ្សែប្រយុទ្ធថ្មីនៅរដូវកាលក្រោយ។

ខ្សែប្រយុទ្ធ David សញ្ជាតិកាណាដាវ័យ ២០ ឆ្នំារូបនេះ រកបាន ៣៧ គ្រាប់គួរឱ្យចាប់អារម្មណ៍ ក្នុងការបង្ហាញខ្លួន ៨៣ ប្រកួតឱ្យ Gent ចាប់តាំងពីឆ្នាំ២០១៨ កន្លងទៅ៕

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9581071