លោក Thomas Tuchel  មានទំនុកចិត្តលើខ្សែប្រយុទ្ធ Mauro Icardi ក្នុងការដើរតួនាទីយ៉ាងសំខាន់សម្រាប់ជួយក្លិប Paris Saint-Germain នៅការប្រកួតក្របខ័ណ្ឌ Champions League ជាមួយនឹងក្លិប Atalanta នាថ្ងៃទី១៣ ខែសីហានេះ។

Icardi បានខកខានរកគ្រាប់បាល់បញ្ចូលទីឱ្យ PSG នៅក្នុងការប្រកួតវគ្គផ្តាច់ព្រ័ត្រពានរង្វាន់ Coupe de France និង Coupe de la Ligue កាលពីពេលកន្លងទៅ ប៉ុន្តែលោក Tuchel នៅតែជឿជាក់លើខ្សែប្រយុទ្ធសញ្ជាតិអាហ្សង់ទីនរូបនេះ ថាអាចនឹងជួយក្លិបឡើងទៅវគ្គបន្ទាប់ទៀតបាន។

គ្រូបង្វឹកសញ្ជាតិអាល្លឺម៉ង់រូបនេះ បានប្រាប់សន្និសីទសារព័ត៌មានមុនការប្រកួតថា៖ “Mauro ពិតជាសំខាន់ណាស់ក្នុងការដើរតួនាទីជំនួស Kylian និង Cavani ដែលអវត្តមាន។ គាត់ [Mauro] នឹងបង្ហាញថាគាត់អាចប្រយុទ្ធបានល្អនៅក្នុងការប្រកួតដ៏សំខាន់នេះ។ យើងរំពឹងថាគាត់នឹងជួយក្រុមឱ្យឡើងទៅវគ្គពាក់កណ្តាលផ្តាច់ព្រ័ត្របាន”។

គួរបញ្ជាក់ថា Icardi បានផ្ទេរចេញពីក្លិប Inter-Milan មកចូលរួមជាមួយ PSG នៅឆ្នាំ២០២០ ហើយបានរកគ្រាប់បាល់បញ្ចូលទីសម្រាប់ក្លិបចំនួន ១២ គ្រាប់ ក្នុងការបង្ហាញខ្លួន ២០ លើកនៅរដូវកាលនេះ៕ 

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9580935