ភ្នំពេញ៖ ករណីស្រ្ដីម្នាក់ចង់ខ្សែលោតទំលាក់ខ្លួនពីលើអគារ​យីហោ Rumduol Grand Hotel ជាន់ទី៦កាលពីវេលា ម៉ោង១១ព្រឹក ថ្ងៃ​ទី​១១​ ខែ​សីហា​ ឆ្នាំ​២០២០ ​​ដែល ស្ថិត​នៅតាម​បណ្ដោយ​ផ្លូវ​លេខ១៧៤​ ក្នុងសង្កាត់​ផ្សារថ្មី៣​ ខណ្ឌដូនពេញ សមត្ថកិច្ចបានឲ្យដឹងថា

បន្ទាប់ពីឃាត់ខ្លួនជនសង្ស័យ ចំនួន ០៦នាក់ យកទៅធ្វើការសាកសួរយ៉ាងល្អិតល្អន់ពីកម្លាំងជំនាញ ជាលទ្ធផលសមត្ថកិច្ចបានរកឃើញ ជនសង្ស័យចំនួន ០៣នាក់ដែលពាក់ព័ន្ធ សមត្ថកិច្ចអាចសន្និដ្ឋានដំបូងថា អាចជាករណីជំរិតទារប្រាក់ប្រព្រឹត្តបទល្មើស បង្ខាំងមនុស្សធ្វើទារុណកម្មជំរិតទៅលើមនុស្សចំនួន ០២នាក់ ប្រុស ០១នាក់ និង ស្រី ០១នាក់ ជាជនជាតិចិន ។

ក្នុងហេតុការណ៍នោះ បង្កការភ្ញាក់ផ្អើលដល់សមត្ថកិច្ចមូលដ្ឋាន ចុះទៅជួយធ្វើអន្តរគមន៍ភ្លាមៗ ដោយសមត្ថកិច្ចជំនាញបានយកជណ្តើររបស់អង្គភាពអគ្គិសនី ដាក់ឡើងទៅលើរួចយកស្រ្តីរងគ្រោះ ដែលលោតពីលើអគារ Rumduol Grand Hotel ដាក់រថយន្តសង្គ្រោះបន្ទាន់ដឹកយកទៅព្យាបាលនៅមន្ទីរពេទ្យកាល់ម៉ែត ។

ចំពោះមុខមន្ត្រីជំនាញកំពុងប្រើប្រាស់វិធានការបន្តនិតិវិធី និងប្រតិបត្តិការ ព្រមទាំងលំអិតរបាយការណ៍ នៃសភាពការណ៍រឿងហើយ ។ផេង​ ភាព

from： https://tnaot.com/km/m/detail/article/9579670