Sign In 
អេស្ប៉ាញ ៖ ក្លិប Real Madrid បានប្រកាសពីការសម្រេចឱ្យខ្សែបម្រើស្លាបជប៉ុន Takefusa Kubo របស់ខ្លួន ទៅកាន់ក្លិប Villarreal ខ្ចីជើងសម្រាប់រដូវកាល ២០២០-២១ ខាងមុខ។
ក្នុងដំណើរការនេះ Villarreal ត្រូវបង់ប្រាក់ចំនួន ៣អឺរ៉ូ (៣,៥លានដុល្លារ) ដល់ក្រុម Real Madrid ហើយនិងយល់ព្រមផ្គត់ផ្គង់លើប្រាក់ឈ្នួលទាំងស្រុងរបស់ Kubo ពេញសម្រាប់រយៈពេលនៃរដូវកាល ២០២០-២១។ សមាជិកក្រុមជម្រើសជាតិជប៉ុនវ័យ ១៩ឆ្នាំរូបនេះ នឹងមានឱកាសលេងនៅក្នុងពានរង្វាន់ Europa League រដូវកាលក្រោយ ក្រោមការដឹកនាំរបស់គ្រូបង្វឹកថ្មីលោក Unai Emery បន្ទាប់ពី Villarreal បានបញ្ចប់ទៅនៅចំណាត់ថ្នាក់លេខ៥ ក្នុងក្របខណ្ឌ La Liga កាលពីរដូវកាល ២០១៩-២០។
សូមរំលឹកថា Takefusa Kubo ទទួលបានការចាប់អារម្មណ៍ពីសំណាក់គ្រូបង្វឹកលោក Zinedine Zidane ដោយបាននាំយករូបគេពីក្លិប FC Tokyo នៅលីគកំពូលជប៉ុន ដោយគ្មានតម្លៃខ្លួន (Free Transfer)។ Kubo នៅពុំទាន់បានបង្ហាញខ្លួនសម្រាប់ការប្រកួតផ្លូវការ ជាមួយក្រុមឈុតធំ Real Madrid នៅឡើយទេ។ ដោយ Real បានឱ្យរូបគេទៅកាន់ក្រុម Mallorca ខ្ចីជើងកាលពីរដូវកាលមុន។ ហើយនៅទីនោះ គេក៏បានបង្ហាញខ្លួនចំនួន ៣៦ប្រកួត និងស៊ុតបញ្ចូលទីបាន ៤គ្រាប់ផងដែរ ៕ ផ្តល់សិទ្ធិដោយ៖ កោះសន្តិភាព
