Sign In 
កាលពីថ្ងៃទី៥ ខែមិថុនា សារព័ត៌មានរ៉យទ័រ បានផ្សាយថា អតីតមន្ត្រីទាហានជើងទឹកអាមេរិក ដែលអ៊ីរ៉ង់ឃុំខ្លួន កាលពីឆ្នាំ២០១៨នោះ ត្រូវបានរដ្ឋាភិបាលអ៊ីរ៉ង់ដោះលែងឲ្យមានសេរីភាពវិញហើយ ក្រោយការឆ្លងកូវីដ១៩។ ការដោះលែងនេះ ក៏ជាផ្នែកមួយ នៃកិច្ចព្រមព្រៀង អនុញ្ញាតឲ្យជនជាតិអ៊ីរ៉ង់ នៅអាមេរិក បានវិលត្រឡប់ទៅកាន់អ៊ីរ៉ង់ ជួបសួរសុខទុកសាច់ញាតិ។
ទន្ទឹមនឹងនេះ អ៊ីរ៉ង់បានដោះលែងពលរដ្ឋអាមេរិក ឈ្មោះ Michael White ជាការដោះដូរជាមួយអាមេរិក អនុញ្ញាតឲ្យលោក Majid Taheri អ្នកវិទ្យាសាស្ត្រអ៊ីរ៉ង់ដែលអាមេរិក ឃុំខ្លួន បានវិលត្រឡប់មកអ៊ីរ៉ង់ សួរសុខទុក្ខបងប្អូន។ រដ្ឋាភិបាលក្រុងវ៉ាស៊ីនតោន សង្ឃឹមថា សកម្មភាពខាងលើអាចនឹងបើកផ្លូវដល់ទំនាក់ទំនងប្រទេសទាំងពីរ កាន់តែល្អប្រសើរឡើងវិញ។
ភាពតានតឹង រវាងអ៊ីរ៉ង់ និងអាមេរិក បានកើតឡើង ក្រោយពេលប្រធានាធិបតីអាមេរិក ដូណាល់ ត្រាំ ដកអាមេរិកចេញពីកិច្ចព្រមព្រៀងបរមាណូ កាលពីឆ្នាំ២០១៥ ដោយអាមេរិកចោទប្រកាន់អ៊ីរ៉ង់ថា បានផលិតមីស៊ីលដើម្បីប្រឆាំងនឹងរដ្ឋាភិបាលទីក្រុងវ៉ាស៊ីនតោន ក៏ដូចជា បង្កើនឥទ្ធិពលរបស់ខ្លួន នៅតំបន់មជ្ឈិមបូព៌ា៕ ប្រែសម្រួលដោយ៖MEO
