យោងតាមទស្សនាវដ្តី Forbes បានឱ្យដឹងថា ក្រុមតារាចម្រៀង BTS គឺជាក្រុមតារាចម្រៀងកូរ៉េមួយក្នុងចំណោមតារាដែលរកចំណូលបានខ្ពស់បំផុតទាំង៥០ នៅលើពិភពលោក ។
នៅថ្ងៃទី០៤ ខែមិថុនា ទស្សនាវដ្តី Forbes បានចេញនូវបញ្ជីឈ្មោះតារាល្បី ១០០នាក់ សម្រាប់ឆ្នាំ២០២០ ដែលឈរនៅចំណាត់ថ្នាក់កំពូលតារាងក្នុងការរកចំណូលបានច្រើនជាងគេបំផុតនៅលើពិភពលោក និងរួមបញ្ចូល Kylie Jenner ផងដែរ ។
BTS ដណ្តើមបានលេខ៤៧ ក្នុងបញ្ជីដែលមានចំណូលគិតលើពន្ធ ៥០លានដុល្លារ។ ទស្សនាវដ្តី Forbes សរសេរថា “ក្រុមតារាចម្រៀង K-pop អាចរកចំណូលបាន ១៧០លានដុល្លារ ក្នុងឆ្នាំ២០១៩ គឺអាចរកចំណូលបានច្រើនជាងតារាចម្រៀងល្បីៗមួយចំនួនរបស់សហរដ្ឋអាមេរិកទៅទៀត” ។
កាលពីឆ្នាំមុនក្រុម BTS បានបង្ហាញខ្លួនជាលើកដំបូងរបស់ពួកគេនៅលើតារាងតារាល្បីៗ ១០០នាក់ ដែលឈរលេខរៀងទី៤៣។ ក្នុងឆ្នាំទាំងពីរនេះ BTS គឺជាក្រុមសិល្បករកូរ៉េតែមួយគត់នៅក្នុងបញ្ជីនេះផងដែរ ។
គួរបញ្ជាក់ដែរថា បញ្ជីឈ្មោះតារា ១០០នាក់ ត្រូវបានដាក់ពិន្ទុតាមរយៈតួលេខ ដោយផ្អែកលើទិន្នន័យមកពី Nielsen Music/MRC Data, Pollstar, IMDB, NPD BookScan និង ComScore និងបន្ថែមលើបទសម្ភាសន៍ជាមួយអ្នកជំនាញ និងតារាល្បីៗជាច្រើនទៀត ៕
ប្រែសម្រួលដោយ៖ វិបុត្រ
ប្រភព៖ soompi