ការធ្វើបាតុកម្ម​ និងការរើសអើងជាតិសាសន៍ នៅអាមេរិក ក្លាយជាឱកាសដ៏ល្អបំផុត សម្រាប់គណបក្សប្រជាធិបតេយ្យយកជ័យជម្នះលើគូប្រជែង ទាំងការគ្រប់គ្រង​ព្រឹទ្ធសភា និងរដ្ឋសភា ដើម្បីងាយស្រួល ក្នុងការអនុម័តច្បាប់ផ្សេងៗ នៅលើទឹកដីអាមេរិក។​

នៅពេលនេះ ​ប្រធានព្រឹទ្ធសភាអាមេរិក ប្រធានរដ្ឋសភាអាមេរិក លោកស្រី​ Nancy Pelosi បានចូលរួមដង្ហែក្បួនប្រឆាំងនឹងអំពើហិង្សា​ ការរើសអើងជាតិសាសន៍ទៅលើក្រុមជនជាតិស្បែកខ្មៅ ក្រោយការស្លាប់​បុរសស្បែកខ្មៅ George Floyd ដោយសារស្នាដៃប៉ូលិស​ស្បែកសអាមេរិក។

នៅលើបណ្តាញសង្គម​ លោកស្រី Nancy Pelosi បានលើកឡើងថា ដើម្បីទប់ស្កាត់ការប្រើអំពើហិង្សា​ពីសំណាក់​ក្រុមសន្តិសុខទៅលើពលរដ្ឋ​ គឺជាអាទិភាពចម្បងរបស់អាមេរិក​។ លោកស្រី បានបន្តទៀតថា រដ្ឋសភាដែលលោកស្រីគ្រប់គ្រង នឹងដោះស្រាយបញ្ហា ពាក់ព័ន្ធនឹងការប្រើអំពើហិង្សារបស់ប៉ូលិស និងកែទម្រង់ ដើម្បីធានាកំុំឲ្យមានហេតុការណ៍បែបនេះ កើតមានឡើងបន្ដទៀត នាពេលអនាគត។ 

បាតុកម្មនៅទូទាំងអាមេរិក បានអូសបន្លាយ អស់រយ:ពេលជាង​១សប្តាហ៍កន្លងមកហើយ ដោយតំបន់ខ្លះ បាតុកម្មក្លាយជាអំពើហិង្សា​។

អតីតមន្ត្រីជាន់ខ្ពស់អាមេរិក ក្នុងនោះមានអតីតប្រធានាធិបតី ចច ដាប់ប៊លយូប៊ូស ក៏បានថ្កោលទោសយ៉ាងខ្លាំង​ដល់អ្វីដែលបានកើតឡើង នៅលើទឹកដីអាមេរិក ជាពិសេសគឺការរើសអើងជាតិសាសន៍​នេះតែម្តង។

នៅថ្ងៃទី​៤ ខែមិថុនា នេះដែរ អតីតប្រធានាធិបតី Jimmy Carter បានចេញសេចក្តីប្រកាស បង្ហាញពីការឈឺចាប់ចំពោះការស្លាប់​របស់បុរសស្បែកខ្មៅ​ George Floyd ​។ លោកបន្តទៀតថា ការថ្កោលទោស ដល់សកម្មភាព​របស់ប៉ូលិសទៅលើជនជាតិស្បែកខ្មៅ គឺជារឿងចាំបាច់ត្រូវតែធ្វើ ដើម្បីកំុំឲ្យមានហេតុការណ៍បែបនេះកើតឡើង​៕ ប្រែសម្រួលដោយ៖ MEO

from： https://tnaot.com/km/m/detail/article/9325611